በአውሮፓ ኮንፈረንስ ሊግ ክሪስቲያል ፓላስ ከዳይናሞ ኪየቭ የሚያደርጉት ጨዋታ ይጠበቃል። የኮንፈረንስ ሊግ ዛሬ ጅማሮውን ሲያደርግ ምሽት 1፡45 ፓላስ ከሜዳው ውጪ ተጉዞ የዩክሬኑን ክለብ ዳይናሞ ኪዬቭን ይገጥማል።
ክሪስታል ፓላስ በእንግሊዝ የአምና የኤፍ ኤ ካፕ ባለ ድል በመሆኑ በይሮፓ ሊግ ተሳትፎን ቢያገኝም፤ የክለቡ ባለቤት ጆን ቴክስተር የሌላኛው የዘንድሮ ይሮፓ ሊግ ተሳታፊ ሊዮን ባለቤት በመሆናቸው ወደ አውሮፓ 3ኛ እርከን ኮንፈረንስ ሊግ ተወዳዳሪ ሆኗል።
ፓላስ ወደ ዩክሬን የሚያቀናው ባሳለፍነው ቅዳሜ በፕሪምየር ሊግ በሊቨርፑል ላይ በተቀዳጀው ጣፋጭ ድል ማግስት መሆኑ የአሸናፊነት ቅድመ ግምት እንዲሰጠው አስችሏል። በምሽቱ ጨዋታ በፓላስ በኩል ዋልተር ቤኒቴዝ፣ቻዲ ሪድ እና ካሌብ ፖርሃ በጉዳት ሳቢያ ከቡድን ስብስብ ውጪ ተደርገዋል።
በ- አልፈሪድ ነስሮ
Source:
@NBCEthiopia
Via:
NBCEthiopia












