ሶሪያ እና ዩክሬን ተቋርጦ የነበረውን ዲፕሎማሲያዊ ግንኙነታቸውን ለመመለስ ተስማሙ።
በበሽር አል-አሳድ መንግስት ወቅት ኪዬቭና ደማስቆ ዲፕሎማሲያዊ ግንኙነታቸው ተቋርጦ እንደነበር ይታወሳል። ፕሬዚዳንት አህመድ አል-ሻራዓ እና ዘለንስኪ በመከባበር ላይ ስለተመሰረተ ትብብር የተወያዩ ሲሆን ዲፕሎማሲያዊ ግንኙነታቸውን ለመመለስም ሰፊ ንግግር አድርገዋል።
በዕርግጥ ዩክሬን ከባድ ጦርነት ላይ በመሆኗ ለሶሪያ ፖለቲላ መረጋጋት ሚናዋ የጎላ እንደማይሆን ተወስቷል። መሪዎቹ በኒው ዮርኩ የመንግስታቱ ድርጅት ጠቅላላ ጉባዔ ላይ ነው የተገናኙት። ሩሲያ ከዩክሬን ለወሰደቻቸው ግዛቶች ደማስቆ እውቅና በመስጠቷ ነበር ኪዬቭ ከሶሪያ ጋር የነበራትን ግንኙነት በ2022 ያቋረጠችው።
የሶሪያው ጊዚያዊ ፕሬዚዳንት አል-ጁላኒ ከምዕራቡ ዓለም ጋር ለመስራት ዲፕሎማሲያዊ መንገዶችን እያስተካከለም ይገኛል። ሶሪያ ከበርካታ አስርት ዓመታት በኋላ መሪዋን በመንግስታቱ ድርጅት ጠቅላላ ጉባዔ ላይ ማሳተፏም ይህኑ ያሳያል የሚል መረጃ ተጋርቷል።
ዘገባው የአልጀዚራ ነው
በ-ቢኒያም ካሴ












