ዩክሬናዊው የግራ መስመር ተከላካይ ዚንቼንኮ በተያዘው የዝውውር ገበይ ከሰሜን ለንደኑ ክለብ መውጣቱ የማይቀር ነው ተብሏል።
መድፈኞቹ 10 ሚሊዮን ፓውንድ ለሚያቀርብ ክለብ ተጫዋቹን የመሸጥ ፈቃደኛነት እንዳላቸው እየተዘገበ ይገኛል።
የምዕራብ ለንደኑ ፉልሃም ዚንቼንኮን ለመውሰድ ከሚፈልጉ ቡድኖች ዋነኛው ነው የተባለ ሲሆን፣አርሰናል የሚጠይቀውን ሂሳብ ለመክፈል ይፈልጋል ተብሏል።
ፉልሃም እና አርሰናል በዝውውር ጉዳይ የቀደመ መልካም ግንኙነት መመስረታቸው የተጫዋቹን ዝውውር ያፋጥናል ተብሎ ይጠበቃል።
የ28 አመቱ ዚንቼንኮ ከፉልሃም በተጨማሪ በጣሊያኑ ኤሲ ሚላን እና በጀርመኑ ቦሩሲያ ዶርትሞንድም እየተፈለገ ይገኛል።
በ- አልፈሪድ ነስሮ












