፨ ፨ ፨ ፨ ፨ ፨ ፨ ፨ ፨ ፨ ፨
አዲስ አበባ | መስከረም 09 2017| NBC ETHIOPIA- ኢትዮ ቴሌኮም የ2017 ዓ.ም በጀት ዓመት ዕቅዱን አስመልክቶ መግለጫ የሰጡት የኢትዩ ቴሌኮም ዋና ሥራ አስፈጻሚ ፍሬህይወት ታምሩ፡፡
ኢትዩ ቴሌኮም የፋይናንስ ምንጮቹን በማስፋት እና ከአጋር አካላት ጋር ያለውን ግንኙነት በማጠናከር በ 2016 በጀት ዓመት ያገኘው 93.7 ቢሊየን ብር ገቢ በ74.4 በመቶ በማሳደግ በበጀት ዓመቱ 163 ነጥብ ሰባት ቢሊየን ብር ገቢ ለማግኘት ማቀዱን አስታውቀዋል።

በዚህ ዓመት ደንበኞቹን 83 ሚሊየን እንዲሁም የቴሌብር ደንበኞቹን 55 ሚሊየን ለማድረስ ማቀዱንም ዋና ሥራ እፈጻሚዋ ገልጸዋል።
ተቋሙ በበጀት ዓመቱ፥ መሰረተ ልማቶቹን በማስፋፋት በ 1ሺህ ቀበሌዎች የቴሌኮም አገልግሎቱን በማስፋት፥ 1298 የሞባይል ጣቢያዎች ማስፋፊያ እንደሚያደርግም ተናግረዋል።
በ500 ከተሞች የ4G ማስፋፊያ እንዲሁም በ15 ከተሞች የ5G አገልግሎትን ለማዳረስ እንደሚሰራም ነው ዋና ሥራ አስፈጻሚዋ የገለጹት።
ከዚሁ ጎን ለጎን 496 የገጠር ኔትወርክ ማስፋፊያን በማድረግ ገጠር ቀበሌዎችን የማገናኘት ሥራ ለማከናወን በበጀት ዓመቱ እቅድ መያዙንም ገልጿል።
በ-ሰላማዊት ወንድወሰን
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Facebook – https://www.facebook.com/ethiopiannbcv
Telegram-https://t.me/nbcethiopiatv












