፨ ፨ ፨ ፨ ፨
ከቴክኖሎጂ መሰፋፋት ጋር ተያይዞ፣ በአለም አቀፍ ደረጃ የመጽሀፍት አንባቢያን ቁጥር መቀነስ በስፋት ሲነገር ቢደመጥም አሁንም ድረስ ተወዳጅነትን በማግኘት በሚሊየን በሚቆጠሩ ኮፒዎች የሚሸጡ መጽሀፍት ገቢያውን ሲቆጣጠሩት እንመለከታለን ፡፡ በተለያዩ ዘውጎች የጥበብ አሻራ ያረፈባቸው እና የደራሲያንን ነገሮችን የመገንዘብ እንዲሁም የመተረክ ብቃት ፍንትው ያደረጉ እና የአንባቢያንን ቀልብ መቆጣጠር ከቻሉ የ2024 ተወዳጅ ብሎም በአለም አቀፍ ደረጃ ከፍተኛ ሽያጭን ካገኙ መፅሀፍት ጥቂቱን እንገራችሁ፡፡
1. The Women

በፈረንጆቹ አቆጣጠር የካቲት 6 /2024 የወጣው The Women የተሰኘው የልብ ወለድ ዘውግ ያለው መፅሀፍ በዚህ አመት ለአንባቢያን ደርሰው በበርካቶች ዘንድ ተወዳጅ ከሆኑ መፅሀፍት መካከል አንዱ ነው፡፡
በክርስቲን ሀና የተጻፈው ይህ ልብወለድ በሁሉም ለአንባቢያ በደረሰ በጥቂት ቀናት ውስጥ በመላው አለም ከ 3 ሚሊዮን በላይ ኮፒዎችን መሸጥ የቻለ መፅሀፍ ሲሆን፣ ለተከታታይ ቀናትም በኒውዮርክ ታይምስ best-seller ቡክ ዘርፍ የአንደኝነትን ደረጃ በመያዝ ቆይቷል፡፡
መፅሀፉ ፍራንኪ ማክግራድ የተሰኘች አንዲት ነርስ ከውልደቷ ጀምሮ በህይወቷ ስለሚያጋጥሟት የህይወት ውጣ ውረዶች እንዲሁም ሴቶች በቬትናም ጦርነት ወቅት የነበራቸውን ከፍተኛ ሚና፤ የቃላትን ሀይል ሌሎችንም ጭብጦች በመያዝ በ480 ገፅ ላንባቢያን በመቅረብ ተወዳጅነትን ማትረፍ የቻለ ልብ ወለድ ነው፡፡
2. The Anxious Generation

The Anxious Generation የተሰኘው እና በሶሺዮሎጂስት ዶክተር ጆናታን ሀይዲት የቀረበው መፅሀፍ ከፍተኛ ሽያጭን ካስመገነዘቡ ተወዳጅ የ2024 መፅፍት ሌላኛው ነው ፡፡
በአሁኑ ወቅት፣ በመላው አለም በከፍተኛ እየጨመረ ስለመጣው በአስራዎቹ እድሜ ስለሚከሰት የአዕምሮ ህመም ላይ መነሻ ታሪኩን አድርጎ የተጻፈው The Anxious Generation ደራሲው ለረዥም አመታት በአስራዎቹ እድሜ ስለሚከሰት የአዕምሮ ህመም መነሻ ምክንያቶች እና የመፍትሄ ምክረሀሳቦችን ይዞ ብቅ ያለበት ተወዳጅ መጽሀፍ ነው፡፡ በ 385 ገፅ ለአንባቢያን የቀረብ መፅሀፉ ከ 1 ሚሊየን በላይ መሸጥ ችሏል፡፡
3. Dog Man: The Scarlet Shedder

በመጋቢት 9 2024 የወጣው ዶግ ዘ ስካርሌት ሽሬደር የህጻናት መፅሀፍ የ2024 ተወዳጅ እና ብዙ ኮፒዎች የተሸጠ መፅሀፍ ነው፤ መፅሀፉ በዴቭ ፒልኪ ተጽፎ የተዘጋጀ ሲሆን፣ በ 240 ገፆች ለንባብ የቀረበ የ2024 ተወዳጁ የልጆች መጽሀፍ ነው፡፡
ህጻናትን በሚገባቸው እና በሚያዝናና መልኩ የተተረከው መጽሀፉ፣ ዘ ዶግ ማ የተሰኘ እና ሌሎች የአኒሜሽን ገጸባህሪዎች ለአደጋ የተጋረጠን ከተማን ለመታደግ የሚያደረጉትን ጥረት እና ትግል የሚያስነብብ ሲሆን፣ ርህራሄ ደግነት፣ ፅናት መልካም ማድረግ እና በጋራ መስራት የሚኖረውን ሽልማት እና ማሸነፍ ለልጆች በሚረዱት መልኩ ያስገነዝባል ፡፡ መጽሀፉ ከዚህ ቀደም የነበሩትን ክፍሎች ጨምሮ በ47 ቋንቋዎች በተለያዩ ሀገራት የተረጎ ሲሆን፣ እስካሁን ከ 60 ሚሊዮን በላይ ኮፒዎችበመላው አለም ተሸጠዋል፡፡
ማይንድ ጌም ፈኒ ስቶሪ እና ሄቨን ብሬከር እንዲሁ በ 2024 ለአንባቢያ ደርሰው ተወዳጅነተን ማግኘት ከቻሉ እና በብዙ ሚሊዮን ኮፒዎች ከተሸቱ መከካከል ይጠቀሳሉ፡፡
በ-የአብስራ ሚሊዮን












