አዲስ አበባ | መጋቢት 12፣ 2016| NBC ETHIOPIA -በዓለማችን እጅግ የተበከለ የአየር ፀባይ ያላቸው ከተሞች በአብዛኛው በእስያ የሚገኙ መሆናቸውን በአለም አቀፍ ደረጃ የአየር ጥራትን የሚከታተለው የስዊዘርላንድ የአየር ጥራት ቴክኖሎጂ ኩባንያ IQAir አስታውቋል፡፡
ኩባንያው አዲስ ባወጣው ሪፖርት፣ በፈረንጆቹ 2023 በዓለም ላይ እጅግ የከፋ የአየር ብክለት ካጋጠማቸው 100 ከተሞች፣ ከአንዱ በስተቀር ሁሉም በእስያ የሚገኙ ከተሞች መሆናቸውን አስነብቧል፡፡
ከከተሞቹ ፣አብዛኛዎቹ በህንድ ውስጥ የሚገኙ ሲሆኑ፣ የዓለም ጤና ድርጅት የአየር ጥራት ደረጃ ብሎ ያወጣውን መስፈርት ከ 10 ጊዜ በላይ የተላለፉ መሆናቸውንም ሪፖርቱ አጣቅሷል፡፡
ከ7 ሺ 800 በላይ ከሚሆኑ ከተሞች ውስጥ ዘጠኝ በመቶ ብቻ የአለም ጤና ድርጅትን የአየር ጥራት መስፈርት ያሟሉ እንደሆኑም ነው የኩባንያው ሪፖርት ያመላከተው፡፡

“በእያንዳንዱ የሕይወታችን ክፍላችን የአየር ብክለት ተጽዕኖ እንደሚያሳድር እናያለን” የሚሉት የIQAir Global ሀላፊ ፍራንክ ሃምስ፣ በጣም በተበከሉ አገሮች ውስጥ ከሶስት እስከ ስድስት ዓመታት ባለው ጊዜ ውስጥ የሰዎችን ሕይወት ክፉኛ ሊቀጥፍ እንደሚችል ያስጠነቅቃሉ፡፡ይህንን ችግር መከላከል ካልተቻለ ለብዙ ዓመታት የከፋ ችግር ሊያስከተል እንደሚችልም አሳስበዋል፡፡
በአየር ጥራት ደረጃ መለኪያ መሰረት፣ መደበኛ የሚባለው የአየር ጥራት ምጣኔ 2.5 ‹‹ፓርቲኩላት ማተር›› ቢሆንም አደገኛ እንደሆነ እና አየር ወደ ውስጥ በሚገባበት ወቅት ወደ ደም ውስጥ ሊገባ የሚችል እና እስከ ሳንባ የሚደርስ የተበከለ አየር ሊያስከትል እንደሚችል ተገልጿል፡፡
ይህም አየር የሚፈጠረው ከቅሪተ አካል ነዳጆች፣ ከአቧራ ወይም አውሎ ነፋሶች እና ከሰደድ እሳት ቃጠሎ የሚመነጭ ሲሆን ፣ለአስም፣ ለልብ እና ለሳንባ በሽታ፣ ለካንሰር እና ለሌሎች የመተንፈሻ አካላት በሽታዎች እንዲሁም በልጆች ላይ የአእምሮ ውስንነት ሊይስከተል እንደሚችልም ሪፖርቱ ያትታል፡፡
በሪፖርቱ መሰረት በፈርንጆቹ 2023 በአለማችን እጅግ የተበከል አየር ያላት ከተማ፣ በሰሜናዊ ህንድ ቢሃር ግዛት የምትገኘው እና ከግማሽ ሚሊዮን በላይ የህዝብ ቁጠር ያላት፣ ‹‹ቤጉሳራይ›› ናት፡፡ከተማዋ የአየር ጥራት መስፈርት ተብሎ ከተቀመጠው 2.5 ‹‹ፓርቲኩላት ማተር››( pm) በመብለጥ 118.9 እንደደረሰች እና የአለም ጤና ድርጅትን የጤና መመሪያዎች 23 ጊዜ እንደተላለፈችም ሪፖርቱ አስቀምጧል።
ሌላኛዋ እጅግ የተበከለ አየር ካልቸው ሀገራት ውስጥ የተመደበችው ባንገላዲሽ ስትሆን፣ አማካይ የአየር ጥራት መስፈርትን 16 ጊዜ መተለለፏ ተገልጧል። ባንገላዲሽ በመከተል ፓኪስታን እና ህንድ የሚገኙ ሲሆን፣ ህንድ በጣም የተበከሉ 10 ከተሞች ውስጥ ይዛለች።
እንደ ሪፖርቱ ገለጻ ፣ የህንድ 93 በመቶ የሚሆነው ህዝብ እጅግ ከፍተኛ ከሆነ የአየር ብክለት ባለበት አካባቢ ይኖራል ።
በአለም አቀፍ ደረጃ በ134 ሀገሮች የሚገኙ ከተሞች እና ክልሎች 93 በመቶ የሚሆኑት የአየር ጥራት መስፈርተን ተብሎ ከተቀመጠው መሻገራቸውንም ሪፖርቱ ጠቅሷል፡፡
በአለም ላይ ንጹህ ወይም ጤናማ አየር ያላቸው አስር ከተሞች ብቻ ሲሆኑ፣ ፊንላንድ ስቶኒአን እና ፑኤርቶ ሪኮን በማስከተል ቀዳሚውን ደረጃ ይዛለች፡፡
የአለም ጤና ድርጅት መረጃ እንደሚያመለክተው፣ በዓመት 6.7 ሚሊዮን ሰዎች በከባቢ እና በቤት ውስጥ መፈጠር የአየር ብክለት ህይወታቸውን ያጣሉ፡፡

በሰው ሰራሽ ምክንያት የሚፈጠረው የአየር ንብረት ቀውስ ለአየር ብክለት ከፈተኛ ሚና እንዳለውም ተነግሯል።የአየር ንብረት ቀውሱ የአየር ሁኔታን እየቀየረ እንደሆነ እና ይህም የንፋስ እና የዝናብ ለውጦችን በማምጣት የአየር ብክለተን እያስፋፋ በመሆኑ ከፍተኛ ሙቀትን እየፈጠረ ነው ይህም የአየር ንብረት ቀውስ በተለያዩ አካባቢዎች ከባድ ሰደድ እየፈጠረ መሆኑ ተገልጾል።
በአፍሪካ፣ በደቡብ አሜሪካ እና በመካከለኛው ምስራቅ ሀገራት የክትትል ጣቢያዎች እጥረት በመኖሩ በእነዚያ አካባቢዎች የአየር ጥራት መረጃ እጥረት ማስከተሉም ይገለጻል።
ምንም እንኳን በአፍሪካ በዚህ አመት ሪፖርት ውስጥ የተካተቱት ሀገራት ቁጥር ካለፉት አመታት ጋር ሲነጻጸር መሻሻል ቢያሳይም፣ ሁሉንም የሚያካትት አለመሆኑን ሪፖርቱ አሳይቶል።
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Facebook -https://www.facebook.com/ethiopiannbc
Telegram-https://t.me/nbcethiopiatv
#NBC_ETHIOPIA
#ሆኖ_መገኘት












