አዲስ አበባ፣ ነሐሴ 16/2015 ፣ NBC ETHIOPIA – አንቴክስ ቴክስታይል አምራች ኩባንያ ከኢትዮጵያ ኢንቨስትመንት ኮምሽን ጋር በአዳማ ኢንደስትሪ ፓርክ ውስጥ ለሚሰሩ ሰራተኞች አቅምን ያገናዘበ የመኖሪያ ቤት ለመገንባት የሚያስችለውን ስምምነት ተፈራርሟል፡፡

በስምምነቱ አምራች ኩባንያው አቅምን ባገናዘበ ወጪ ለሰራተኞች በ4 ሄክታር መሬት ላይ G+4 የመኖሪያ ህንፃዎችን በመገንባት 5000 የሚሆን ሰራተኞችን የቤት ባለቤት እንደሚያደርግ ተገልጿል።
ፕሮጀክቱ የሰራተኞችን የቤት ችግር በመቅረፍ በስራ ላይ ያላቸውን ትኩረትና ምርታማነት በመጨመር ከፍተኛ ድርሻ እንደሚኖረው ተጠቅሷል፡፡
አንቴክስ ቴክስታይል ከ4500 በላይ ለሚሆኑ ዜጎች የስራ ዕድልን መፍጠሩን የኮሚሽኑ መረጃ ያመለክታል።
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Facebook-https://www.facebook.com/ethiopiannbc/












