የጎንደር ዩኒቨርሲቲ የቀድሞ ምሩቃን ቀን እያከበረ ይገኛል።
በ1947 የመጀመሪያ ተማሪዎቹን ተቀብሎ ማስተማር የጀመረው ዩኒቨርሲቲው ባለፉት 70 አመታት በ66 ዙሮች ከ1 መቶ 7ሺህ በላይ ተማሪዎችን አስተምሮ ማስመረቁ ተገልጿል።
“የቀድሞ ምሩቃን ቀን”
የዩኒቨርሲቲው ምሩቃን ለተማሩበት ተቋም ልምዳቸውን በማጋራት ብሎም በጥናትና ምርምር ስራዎች የበኩላቸውን አስተዋፅኦ እንዲያደርጉ አላማ ያደረገ መሆኑ ተነግሯል።
በርካታ የትምህርት ተቋማት በቀድሞ ምሩቃኖቻቸው አማካኝነት የተለያዩ ስራዎችን እያከናወኑ እንደሚገኙ የገለፁት የጎንደር ዩኒቨርሲቲ ፕሬዝዳንት አስራት አፀደወይን (ዶ/ር) ይህንን አለም አቀፍ ተሞክሮ ለመጠቀም ታሳቢ ተደርጎ የተዘጋጀ መሆኑን ገልፀዋል።
በቀድሞ ምሩቃን መካከል ያለውን ትስስር ለማጠናከርና የእርስ በእርስ ግንኙነቱን ለማሳደግ የጎንደር ዩኒቨርሲቲ የቀድሞ ምሩቃን ማህበር በይፋ እንደሚመሰረትም ተጠቁሟል።
በነገው እለት በሚካሄደው የጎንደር ዩኒቨርሲቲ የተማሪዎች ምርቃት መርሃ ግብር ላይም የቀድሞ ምሩቃን ድጋሚ በመመረቅ የገቡትን ቃል እንደሚያድሱ ተነግሯል።
በ – አክረም ኑርያ












