ሳንቶስን በቫስኮ ደጋማ 6 ለ 0 መሸነፍ ተከትሎ ኔይማር ጁንየር እያለቀሰ ከሜዳ ሲወጣ ተስተውሏል።
ኔይማር በእግር ኳስ ህይወቱ በከፍተኛ የግብ ልዩነት የተሸነፈበት ጨዋታ ሆኖ ባለፈው የትላንቱ መርሃግብር፤ ለክለቡ ሳንቶስም በብራዚል ሴሪአ ስድስት ግብ ያስተናገዱበት የመጀመሪያ ጨዋታቸው ሆኖ ተመዝግቧል።
የስምንት ጊዜ ሻምፒዮኖቹ ከወራጅ ቀጠናው በሁለት ነጥብ ርቀት የተቀመጡ ሲሆን ከሽንፈቱ ቡኃላ አሰልጣኝ ሴልበር ዣቭየርን አሰናብተዋል።
ከኔይማር በተቃራኒ ኩቲንሆ በቫስኮ ዳጋማ ጥሩ ምሽትን ያሳለፈ ሲሆን፤ ከተቆጠሩት ስድስት ግቦች ሁለቱን ከመረብ አገናኝቷል። ድሉ ለቫስኮ ደጋማ በ17 አመት ውስጥ የተገኘ ትልቁ የሊግ ድል ሆኖ ተመዝግቧል።
ከጨዋታው በኃላ እያነባ የወጣው ኔይማር “አፍርያለሁ ፣ እጅግ ተበሳጭቻለሁ ደጋፊዎች ማመፅም ይችላሉ።” ሲል ተደምጧል። ሳንቶስን ከተቀላቀለ በኋላ 21 ጨዋታዎችን የተጫወተው ኔይማር ስድስት ግብ አስቆጥሮ ሶስት ወደ ግብ የተለወጡ ኳሶችን አመቻችቶ ማቀበል ችሏል።
Source:
@NBCEthiopia
Via:
NBCEthiopia












