በእስራኤል ጥቃት ተገደሉ የተባሉ 3 የኢራን ጦር መሪዎች የኢራን የድል በዓልን ከሕዝብ ጋር ሲያከብሩ መታየታቸውን ተገለፀ።
አዛዦቹም የአያቶላ አሊ ኻሚኒ ከፍተኛ አማካሪ እና የደህንነት ዋና አማካሪ አድሚራል አሊ ሻምካኒ፣ የመከላከያ ሚኒስትር እና የአየር ኃይል አዛዥ የነበሩት ብርጋዴር ጄኔራል አዚዝ ናስርዛዴህ እና የእስላማዊ አብዮታዊ ጥበቃ ቁድስ ኃይል አዛዥ ብርጋዴር ጀነራል ኢስማኢል ካአኒ ናቸው።
የኢራን ብርጋዴር ጀነራል ኢስማኢል ካአኒ ቴህራን እስራኤልን አሸንፋለች በማለት በድል በአሉ ላይ የገለፁ ሲሆን፣ በህይወት እና በጥሩ ሁኔታ መታየታቸውንም የኢራን መገናኛ ብዙሃን ዘግቧል። የኢራን ታስኒም የዜና አገልግሎት ላይ በተለጠፈ ምስል ቃኒ በዝግጅቱ ላይ ከተሰበሰቡት መካከል እንደነበሩ ያሳያ
ል።
ፕረስ ቲቪም “የእስላማዊ አብዮታዊ ጥበቃ ቁድስ ሃይል አዛዥ ብርጋዴር ጄኔራል ኢስሜል ካአኒ በእስራኤላውያን አገዛዝ ላይ የድል በዓላትን ባከበሩበት ወቅት በታላቅ ደስታ በቴህራን አቀባበል ተደርጎላቸዋል” በማለት ዘግቧል።
በዚህ ወር መጀመሪያ ላይ የኒውዮርክ ታይምስ ጋዜጣ፣ አዛዦቹ በእስራኤል ጥቃት ከተገደሉት የኢራን ጦር መሪዎች መካከል እንደሆኑ የገለፀ ሲሆን እስራኤል ከሰኔ 13 ጀምሮ ቴህራን የኒውክሌር ቦምብ ልታመርት ነው በሚል ወታደራዊ እና የኑክሌር ተቋማትን ጨምሮ በተለያዩ የኢራን ጣቢያዎች ላይ የአየር ላይ ጥቃት ጀምራለች።
በ ሔርሜላ ተመስገን












