። ። ። ። ። ። ። ። ። ።
ከጥር የዝውውር ገበያ አንስቶ ስሙ ከአርሰናል ጋር በስፋት ሲያያዝ የቆየው ስፔናዊ ግብ ጠባቂ በስተመጨረሻ የባርሴሎና ተጫዋች ሆኗል።
አንድ ሜትር ከዘጠና አንድ ሴንቲ ሜትር የሚረዝመውን ግብ ጠባቂ የግሉ ለማድረግ የወቅቱ የስፔን ሻምፒዮን ባርሴሎና 25 ሚሊዮን ፓውንድ መክፈሉ ታውቋል።
25 አዓመቱ ጋርሺያ ወደ ሰሜን ለንደኑ አርሰናል ይሄዳል ቢባልም፣ መድፈኞቹ የቼልሲውን ኬፓን ለማስፈረም በመወሰናቸው ተጫዋቹ ብሉግራናዎቹን ለመቀላቀል ወስኗል።
ባርሴሎና በክለቡ የፋይናንስ ቀውስ ምክንያት ተጫዋች ለማስፈረም ቢችልም፣ በስፔን እግር ኳስ ፌዴሬሽን ለማስመዝገብ እየተቸገረ ይገኛል።
ይህንኑ ጉዳይ አስመልክቶ አስተያየታቸውን የሰጡት የላሊጋው ፕሬዚዳንት ሃቪየር ቴባስ፣ “የጋርሺያን ዝውውር ይፋ ማድረግ ሌላ ነገር ነው፣ ማስመዝገብም እንደዚያው” ሲሉ የካታላኑ ክለብ ላይ ተሳልቀዋል።
ከሳምንታት በፊት የክለቡ ስፖርቲንግ ዳይሬክተር ዴኮ፣ ባርሴሎና ምንም አይነት የፋይናንስ ቀውስ አልገጠመውም በማለት መናገራቸው ይታወሳል።
ባርሳ ከጋርሺያ በተጨማሪ የአትሌቲክ ቢልባኦን የመስመር አጥቂ ኒኮ ዊሊያምስን ለማስፈረም ውይይት ላይ ነው ተብሏል።
በ- አልፈሪድ ነስሮ












