ከሰኔ 10-19 በጅማ ከተማ በሚካሄደው ውድድሩ ሁሉም ክልሎችና የከተማ መስተዳድሮች እንደሚሳተፉ አረጋግጧል።
ሚኒስቴሩ በ26 የስፖርት አይነቶች የሚወዳደሩት ተሳታፊዎቹ ከ3 ቀናት በኋላ ወደ ጅማ ከተማ ይጓዛሉ ብሏል።
በባህልና ስፖርት ሚኒስቴር የስፖርት ዘርፍ ሚኒስትር ዴኤ መኪዩ መሀመድ የተጫዋች ተገቢነት ችግሮችን ለመቅረፍ ምዝገባውን በኦንላይን ማከናወናቸውን ተናግረዋል።
ከጸጥታ ሁኔታ ጋር በተያያዘ በአገር አቀፍ ደረጃ የጸጥታ ግብረ ሀይል እንደተቋቋመና ክልሎች የሚመጡባቸው አካባቢ ከፍተኛ ቁጥጥር እንደሚደረግ አስገንዝበዋል።
ውድድሩ ኢትዮጵያ ለ2027 የመላው አፍሪካ ጨዋታ የምታደርገው ዝግጅት አካል መሆኑንም አክለው ገልጸዋል።
አምባሳደሮችን ጨምሮ በርካታ እንግዶች በተጋባዥነት በጅማ ከተማ ይገኛሉ ተብሏል።
የመላው ኢትዮጵያ ጨዋታ ለመጨረሻ ጊዜ የተካሄደው በ2008 ዓ.ም በሀዋሳ ከተማ ነበር።
በ-ይበልጣል ሰውነት












