::::::::::::::::::::::
የዩናይትድ ስቴትስ ኘሬዝዳንት ዶናልድ ትራምኘ ኢራን መቼውንም ቢሆን ኑክሌር እንድትታጠቅ አይፈቀድላትም አሉ።
የቴህራንን የኒክሌር ስምምነት በተመለከተ በመጀመሪያ ኢራን ማንኛውንም የዩራኒየም ማበልፀጊያ ማቆም አለባት ብለዋል። የዩራኒየም ማበልጸግ አንፈቅድም ያሉት ትራምፕ ከረጅም ጊዜ በፊት ማቆም እንደነበረባትም ገልጸዋል።
እ.ኤ.አ. በ2015 የኑውክሌር ስምምነት ኢራን 3.67 በመቶ ብቻ ዩራኒየም እንድታበለጽግ ተፈቅዶላት ነበር። በአሁኑ ሰዓት ግን ትራምኘ ምንም ዓይነት ዩራንየም ማበልፀግ አትችልም ብለዋል።
ትራምኘ በመጀመሪያ የስልጣን ዘመናቸው አሜሪካን ከ2015 የኑውክሌር ስምምነት እንዳገለሉ የሚታወስ ነው። ይህም ኢራንን እስከ 60 በመቶ የማበልጸግ አቅም እንድትይዝ አስችሎታል።
የተባበሩት መንግስታት የኒውክሌር ተቆጣጣሪ ድርጅት ሪፖርት እንዳመለከተው ኢራን ባለፉት ሶስት ወራት 133.8 ኪሎ ግራም ዩራኒየም አበልፅጋለች።
ቴህራን አሁን ለ 10 የኒኑውክሌር ጦር መሳሪያዎች የሚሆን በቂ ዩራኒየም እንዳበለፀገች ይነገራል።
በ- ሔርሜላ ተመስገን












