። ። ። ። ። ። ። ። ።
የጋዛው ሃማስ እስራኤል ያቀረበችውን “የትጥቅ ማስፈታት ውጥን” ውድቅ አደረገ፡፡
እስራኤል ሃማስ ትጥቅ ይፍታ የሚል የተኩስ አቁም እቅድ ማቅረቧ የሚታወስ ነው፡፡
ከፍልስጤም ባለስልጣናት በኩል የሚወጡ መረጃዎች እንደሚጠቁሙት እስራኤል የስድስት ሳምንታት የተኩስ አቁም ሀሳብ አቅርባ ነበር፡፡
በዚህ ጊዜ ውስጥ የጋዛው ሃማስ እጁን ይሰጣል አሊያም ትጥቅ ይፈታል የሚል ውጥን እስራኤል ማቅረቧ የተነገረ ሲሆን፣ ስምምነት ላይ ለመድረስ የማያስችል እቅድ ነው በሚል ውድቅ ሆኗል፡፡
ሃማስ ግማሾቹን ታጋቾች ለመልቀቅ ሀሳቡ ቢኖረውም እስራኤል ያቀረበችው ጥያቄ ተግባራዊ የሚሆን ዓይነት አይደለም ብለዋል ከጉዳዩ ጋር ቅርበት ያላቸው አንድ የፍልስጤም ባለስልጣን፡፡
የሃማስ መሰረታዊ ፍላጎቶች በዕቅዱ ውስጥ አልተካተቱም ተብሏል፡፡
የእስራኤል ጦር ዛሬም በጋዛ ጥቃቱን አጠናክሮ የቀጠለ ሲሆን በሆስፒታሎች ላይ የሚያደርሰው ጥቃት ዓለም አቀፍ ውግዘትን እያስከተለበት ይገኛል፡፡
የእስራኤሉ መከላከያ ሚኒስትር እስራኤል ካትዝ፣ በጋዛ እና ዌስት ባንክ አካባቢዎች ጦሩ ይዞታ እንዲያሰፋ አዘዋል በሚልም ይተቻሉ፡፡
ዘገባው የቢቢሲ ነው፡፡
በ-ቢኒያም ካሴ












