ትራምፕ በሜክሲኮ እና በካናዳ ምርቶች ላይ የጣሉት የ25 በመቶ ታሪፍ ከዛሬ ጀምሮ መተገበር መጀመሩ እንዱሁም በቻይና ባለፈው ወር ከተጣለ ተጨማሪ የ10 በመቶ ታሪፍ ትራምፕ ይፋ ማድረጋቸው ተከትሎ ሀገራቱ ምላሽ በመስጠት ላይ ናቸው።
በዚህም ቻይናና ካናዳ በአሜሪካ ምርቶች ላይ ተጨማሪ የግብር ታክስ መጣላቸውን በመግለፅ ላይ ይገኛሉ።
ቻይና ከሚቀጥለው ሳምንት ጀምሮ ተግባራዊ የሚደረግ ከአሜሪካ በሚገቡ የተለያዩ የግብርና ምርቶች ላይ አዲስ ቀረጥ እንደምትጥል ተናግራለች።
በዶሮ፣ ስንዴ፣ በቆሎ እና ጥጥ ላይ ተጨማሪ 15% ታሪፍ እንደሚጣል ሲገለጽ ማሽላ፣ አኩሪ አተር፣ አሳማ፣ የበሬ ሥጋ፣ የውሃ ምርቶች፣ ፍራፍሬዎች፣ አትክልቶች እና የወተት ተዋጽኦዎች ላይ ተጨማሪ የ10 በመቶ ታሪፍ እንደምትጥል ቻይና በፋይናንስ ሚኒስትሯ በኩል አስታውቃለች።
ካናዳ በበኩላ እስከ 25 በመቶ ታሪፍ እንደምትጥል አስታውቃለች ።
የሜክሲኮዋ ፕሬዝዳንት ክላውዲያ ሺንባም በሜክሲኮ ሲቲ ዛሬ በሚደረገው የዜና ኮንፈረንስ ላይ ምላሻቸውን ይፋ እንደሚያደርጉ የሀገሪቱ ኢኮኖሚ ሚኒስቴር አስታወቀ።
ቻይና እና ካናዳ አዲስ ታሪፍ በአሜሪካ ምርቶች ላይ እንደሚጥሉ መዛታቸውን ተከትሎ በሶስቱ ትላልቅ የንግድ አጋሮች ላይ ያለው የንግድ ግኑኝነት ይበልጥ እየተካረረ መምጣቱን የሚያመላክት ነው ተብሏል ።
ዘገባው የዘጋርዲያን ነው












