
አዲስ አበባ |የካቲት 14 2015 | NBC ETHIOPIA- በቱርክ ደቡባዊ ሃታይ ግዛት እና ሰሜናዊ ሶሪያ የደረሰው ርዕደ መሬት በመሬት መንቀጥቅጥ መለኪያ 6.4 እና 5.8 ሲሆን በሳምንታት ልዩነት ውስጥ በሀገራቱ ሲከሰት ይህ ለሁለተኛ ጊዜ ነው።
በቱርክ በሁለት ቦታዎች በተከሰተና ቢያንስ ለሶስት ሰዎች ሞት ምክንያት በሆነው አዲስ ርዕደ መሬት በፍርስራሾች ውስጥ የቀሩ ሰዎችን ለመታደግ የነፍስ አድን ሰራተኞች እየተረባረቡ ነው።
ቀደም ብሎ በተከሰተው ርዕደ መሬ በሁለቱ ሀገሮች ከ45 ሺህ በላይ ሰዎች የሞቱ ሲሆን በ10 ሺዎች የሚቆጠሩ ቤት አልባ እንዲሆኑ አደርጓል። ትላንት በተከሰተው ርዕደ መሬት በሁለቱም ሀገራት ህንጻዎች ተደርምሰዋል።
የቱርክ የአደጋና ደንገተኛ ጉዳዮች ኤጀንሲ በመሬት መንቀጥቅጥ መለኪያ 6.4 እና 5.8 ሆኖ የተመዘገበው ርዕደ መሬት በሰዓታት ልዩነት መፈጠሩን ገልጸዋል።
የቱርክ የሀገር ውስጥ ጉዳዮች ሚኒስትሩ ሱሌይማን ሶልዩ መሬት መንቀጥቀጡ በተከሰተበት አንታካያ፣ ዴፍኔና ስማንዳግ ላይ ሶስት ሰዎች መመሞታቸውን የገለጹ ሲሆን ሰዎች ከፍተኛ አደጋ ወደ ተጋረጠባቸው ህንጻዎች እንዳይገቡ አሳስበዋል። ሚኒስትሩ 213 ሰዎች ጉዳት እንደደረሰባቸውም ተናግረዋል።
በአንታካያ ከተማ በርዕደ መሬቱ ክፉኛ የተጎዱ አከባቢዎች ላይ አምቡላንሶችና የነፍስ አድን ሰራተኞች የተሰማሩ ሲሆን ነዋሪዎች በፍርሃትና ጭንቀት ውስጥ እንደሚገኙ ተናግረዋል።
በሶሪያ ትላንት በተከሰተው የመሬት መንቀጥቀጥ የተገዱ 470 ሰዎች ወደ ሆስፒታል መግባታቸው ተገልጿል። አዲሱ ርዕደ መሬት ግብጽና ሊባኖስ ድረስ እንደተሰማም ተገልጻል።
ሃና ተሰማ
ምንጭ(ቢቢሲ፣ አልጀዚራ)
#NBC_ETHIOPIA
#ሆኖ_መገኘት









