የኢትዮ-ጅቡቲ ምድር ባቡር አ/ማ “ከባይተዋርነት ወደ ባለቤትነት” በሚል መሪ ሀሳብ የፓናል ውይይት እያካሄደ ይገኛል።

በፓናል ውይይቱ የትራንስፖርትና ሎጂስቲክስ ሚኒስትር አለሙ ስሜ (ዶ/ር) የባቡር ትራንስፖርት አገልግሎት በሀገር ኢኮኖሚ ላይም ሆነ የህዝብ ለህዝብ ግንኙነትን ለማጠናከር ከፍተኛ ሚና እንደሚጫወት አንስተዋል።
በባቡር ትራንስፖርት መሰረተ ልማት ከኬንያ፣ ከሱዳን በተጨማሪም ከደቡብ ሱዳን ጋር የሚያገናኙ መስመሮችን ለመገንባት ማስተር ፕላኑ መጠናቀቁን ገልፀው ለገንዘብ ሚኒስቴር የበጀት ጥያቄ መቅረቡን ተናግረዋል።
የገንዘብ ሚኒስትር አህመድ ሺዴ በሁሉም የሀገሪቱ አቅጣጫዎች ተጨማሪ የባቡር መሰረተ ልማትን ለማስፋፋት እቅድ መያዙን ገልፀው ነገር ግን ቅድሚያ የሚሰጠው በስራ ላይ ያሉ መስመሪችን ማጠናከር መሆኑን ተናግረዋል።
ሚኒስትሩ አክለውም በስራ ላይ የሚገኙ መስመሮችን ከማጠናከር ስራው በኋላ ተጀምረው ያልተጠናቀቁ የባቡር መስመር ግንባታዎችን ማጠናቀቅ ትኩረት እንደተሰጠው አብራርተዋል።
የብሔራዊ ባንክ ዋና ገዢ ማሞ ምህረቱ በበኩላቸው
መንግስት ለኢትዮ–ጅቡቲ የባቡር መስመር ግንባታ ከፍተኛ ሀብት ወጭ ማድረጉን ገልፀው ይህም ብድር አሁንም ድረስ እየተከፈለ እንደሚገኝ ተናግረዋል።
በሎጂስቲክስ ዘርፍ የተሰማሩ ድርጅቶች የውጭ ምንዛሬን በቀላሉ እንዲያገኙ ለማድረግ እየተሰራ መሆኑመንም ዋና ገዢ አስረድተዋል።
በ– አክረም ኑርያ












