ፕሬዚዳንት ዶናልድ ትራምፕና ቭላድሚር ፑቲን በሀንጋሪ እንገናኛለን ማለታቸውን ተከትሎ ቡዳፔስት ዝግጅት ላይ ነኝ አለች።
ፕሬዚዳንቶቹ ሁለት ሰዓት ተኩል ገደማ ጊዜ ወስደው ሰፊ ውይይት አመሻሹን ማድረጋቸው አይዘነጋም። ይህንም ተከትሎ የሃንጋሪው ጠቅላይ ሚኒስትር ቪክቶር ዖርባን “የአሜሪካንና ሩሲያን የሰላም ጉባዔ ለማስተናገድ ዝግጅቱ ተጀምሯል ” ሲሉ በኤክስ ገጻቸው ላይ አስፍረዋል።
በተጨማሪም ሃንጋሪ የሰላም ደሴት ናት ብለዋል ዖርባን። ፕሬዚዳንት ቭላድሚር ፑቲን ከረዥም ጎዜ በኋላ በአውሮፓ ህብረት ዓባል አገር ውስጥ እግራቸው ሲረግጥ የመጀመሪያቸው ይሆናል።
የክሬምሊን መረጃ እንደሚያሳየው በቶማሃውክ ሚሳዔል ስርዓት ዙሪያ መሪዎቹ መክረዋል። በፑቲንና ትራምፕ መካከል የሚደረገው ጉባዔ በቡዳፔስት ነው ከመባሉ ውጭ ልዪ ቦታው የት እንደሆነ አልተለየም።
በቀጣይ መሪዎቹ እንደሚገናኙ ቢነገርም ከዚህ ቀደም በአንከሬጅ አላስካ እንደተገናኙት ዓይነት ውጤት እንዳይኖረውም ስጋት ተጋርጧል። የዩክሬኑ ፕሬዚዳንት ቮሎድሜር ዘለንስኪም ዋሽንግተን ዲሲ ማምሻቸውን ገብተዋል።
ዘገባው የ ቢ ቢ ሲ ነው
በ-ቢኒያም ካሴ












