የሰሜን ኮሪያው መሪ ኪም ጆንግ ኡን እህት በሰሜን ኮሪያ በኩል የተሰቀሉ የፕሮፓጋንዳ ድምፅ ማጉያዎች ፈፅሞ አይነሱም ብለዋል።
የኪም እህት ይህንን ያሉት የደቡብ ኮሪያ አዲሱ ፕሬዝዳንት ሰላም ለመፍጠር በሚል ለአመታት በድንበር ላይ የነበረውን የድምፅ ማጉያ በማንሳት ፒዮንግያንግ በቅርቡ ተመሳሳይ እርምጃዎችን ትወስዳለች ማለታቸውን ተከትሎ ነው።
በሁለቱ ሀገራት ድንበር ላይ ፊታቸውን ወደ ደቡብና ሰሜን በማዞር የተሰቀሉ የድምፅ ማጉያዎች ለአመታት የፕሮፓጋንዳ መልዕክትን ሲያሳልፉ ቆይተዋል። ከደቡብ ኮሪያ ወደ ሰሜን ኮሪያ የሚለቀቁት የድምፅ ማጉያዎች ከፕሮፖጋንዳ መልዕክቶች ባሻገር የኬ ፖፕ ሙዚቃ የሚለቁ ሲሆን በተቃራኒው ከሰሜን ወደ ደቡብ ባሉት ፕሮፖጋንዳ እና የእንስሳት ድምፆች ይለቀቁ ነበር።
ታዲያ ሰላም ለመፍጠር በሚል ደቡብ ኮሪያ በቅርቡ የድምፅ ማጉያዎቹን በአዲሱ ፕሬዝዳንቷ ትዕዛዝ በማስነሳት ተመሳሳዩን አርምጃ ከፒዮንግያንግ እንደምጠብቅ ገልፃ ነበር። ሆኖም የኪም ጆንግ ኡን እህት በትላንትናው እለት በነበራቸው ቃለምልልስ የድምፅ ማጉያዎቹንም አናነሳም ይልቁን በህገመንግስታችን እናካተዋለን፤ ከደቡብ ኮሪያም ጋር ሰላም ለመፍጠር ምንም አይነት ፍላጎት የለንም ብለዋል!
በእነዚህ የድምፅ ማጉያዎች ሳቢያ በድንበር አካባቢ የሚኖሩ ዜጎች በከፍተኛ የድምፅ ብክለት እንደሚሰቃዩ ይናገራሉ። በዚህም ደቡብ ኮሪያ ለስድስት አመታት አቋርጣው የነበረ ቢሆንም ሰሜን ኮሪያ ቆሻሻን የተሸከሙ ፊኛዎች በሰማይ መላኳን ተከትሎ በሰኔ 2024 አስጀምራው ነበር።
ሴኦል ይህም ድርጊት አሁን ላይ ያብቃ ብትልም ፒዮንግያንግ ግን ሰላም እንደማትፈልግ ገልፃለች።
ዘገባው የቢቢሲ ነው።
በ-የአብስራ ሚሊዮን












