ሊቨርፑል በመስመር አጥቂው ልዊዝ ዲያዝ ዝውውር ጉዳይ ከባየርን ሙኒክ ጋር ድርድር የመቀመጥ ፍላጎት እንደሌለው ኢኤስፒኤን ዘግቧል።
የመርሲሳይዱ ክለብ ኮሎምቢያዊውን ኢንተርናሽናል በዚህ ክረምት የመልቀቅ ምንም ፍላጎት የለውም ተብሏል። ለባየርን የስፖርት ዳይሬክተር ማክስ ኢብርል በዝውውሩ ጉዳይ ድርድር የመቀመጥ ዝንባሌ እንደሌለው ነግሯቸዋል ብሏል ዘገባው።
የ28 ዓመቱ ዲያዝ በአንፊልድ ሮድ እስከ 2027 ድረስ የሚያቆየው ቀሪ የሁለት ዓመት ዉል ቢኖረውም በዚህ ክረምት ይለቃል የሚሉ ዜናዎች ሲወጡ ቆይተዋል። ባርሴሎና በያዝነው የዝውውር መስኮት መጀመሪያ ላይ ዲያዝ ላይ ፍላጎት አሳይቶ ነበር።
ሆኖም ግን ሊቨርፑል በተጫዋቹ ጉዳይ የማንንም ጥያቄ ለመስማት ዝግጁ አይደለሁም ብሏል። ዲያዝ በተጠናቀቀው የውድድር ዓመት በሁሉም ውድድሮች 17 ጎሎችን በማስቆጠር አስደናቂ ጊዜን ማሳለፉ አይዘነጋም።
በ-ይበልጣል ሰውነት
Source:
@NBCEthiopia
Via:
NBCEthiopia












