፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡
ከቻይና ዩናን ግዛት የመጣችው ሊ ዌይ የተባለች ወጣት ሴት በእርግዝናዋ ወቅት ባጋጠማት አስገራሚ የአካል ለውጥ በማህበራዊ ሚዲያ መነጋገሪያ ሆናለች። ሊ ማርገዟን ስታውቅ በጣም ደስተኛ ብትሆንም፣ በእርግዝናዋ በአምስተኛው ወር ፊቷ ላይ እንግዳ የሆኑ ለውጦች ማየት ጀመረች። አፍንጫዋ በጣም ትልቅ ከመሆኑ የተነሳ በመስታወት ውስጥ እራሷን ስታይ ማወቅ እስከማትችልበት ደረጃ ደረሰች።

ይህ ግን ገና መጀመሪያው ነበር። ሊ ተጨማሪ የአካል ለውጦች አጋጠሟት። “የእርግዝና ነጠብጣቦች” በመባል የሚታወቁ የቆዳ ቀለም ነጠብጣቦች በጉንጮቿ ላይ ሲታዩ፣ ክንዶቿ እና እግሮቿም አበጡ። ዶክተሮች እነዚህ ለውጦች ተፈጥሯዊ እንደሆኑ ቢነግሯትም፣ ሊ ዌይ የለውጦቹን መጠን ለመቀነስ የአመጋገብ ስርዓቷን በማስተካከል የስኳር እና የስብ መጠንን በመቀነስ እንዲሁም የአካል ብቃት እንቅስቃሴ ማድረግ ጀመረች።

ወጣቷ በደንብ መመገቧን እና በቂ የአካል ብቃት እንቅስቃሴ ማድረጓን በመቀጠል ከጥቂት ወራት በኋላ ወደ ቀድሞ ሁኔታዋ መመለስ ጀመረች። ሊ ከልጇ ጋር ያላትን ፎቶዎችም አጋርታለች፣ እና የፊት ለውጦቿም ሙሉ በሙሉ ጠፍተዋል።
ዶክተሮች ወደፊት ወጣት እናቶች እንደዚህ አይነት ለውጦች ሲያጋጥሟቸው እንዳይደናገጡ ይመክራሉ። ይልቁንም አዎንታዊ አስተሳሰብ እንዲኖራቸው እና ጥሩ የአኗኗር ዘይቤን እንዲጠብቁ አሳስበዋል።ዘገባው የኦዲቲሴንትራል ነው፡፡
በ ሃና ተሰማ












