NBC Ethiopia
June 4, 2025
የዘንድሮው የሐጅ ሥርዓት ዛሬ መጀመሩን ተከትሎ በመላው ዓለም የሚገኙ የእስልምና እምነት ተከታዮች በሁሉም የትራንስፖት አማራጭ ሐጅ ለመፈፀም መካ ከተማ እየገቡ እንደሆነ የሳዑዲ ዓረቢያ ሐጅ እና ዑምራ ሚኒስቴር ገልጿል።

ከ1.2 ሚሊዮን የሚሆን ህዝብ በየብስ፤ ከ63 ሺህ በላይ በአየር እንዲሁም ከ5 ሺህ በላይ የሚሆኑት ደግሞ በባሕር በድምሩ ከ1.3 ሚሊዮን በላይ ሙስሊሞች የሕይወት ዘመናቸው ሕልም ሐጂ ለማድረግ ሳዑዲ ደርሰዋል።
የዘንድሮን 1446ኛው ዓመተ ሒጅራ የሐጅ ሥርዓት ለማከናወን ተጨማሪ ከ1.3 ሚሊዮን በላይ ሙስሊሞች በሚቀጥሉት ቀናት ሐጅ ያደርጋሉ ተብሎ ይጠበቃል።
የሐጅ ጸሎት ሥርዓት ሙስሊሞች በፈጣሪያቸው ዘንድ ምንዳ የሚያገኙበት፣ አብሮነትን የሚያጠናክሩበት፣ ከሌሎች ሀገራት ወንድም እህቶቻቸውን የሚተዋወቁበት፣ ፈጣሪያቸውን የሚያወድሱበት፣ ከእስልምና መሠረቶች አንዱ እንደሆነ የእምነቱ አስተማሪዎች ይናገራሉ።












