የሊቨርፑል ሁለተኛ ግብ ጠባቂ ከቀዮቹ ጋር ያለው ውል ሊጠናቀቅ ከአመት ያነሰ ጊዜ የቀረው ሲሆን፣ብሬንትፎርድ ተጫዋቹን ለመውሰድ ያቀረበው 18 ሚሊዮን ፓውንድ የዝውውር ሂሳብ ተቀባይነት አግኝቷል።
የመርሲሳይዱ ክለብ የመጀመሪያ ግብ ጠባቂ አሊሰን በውድድር ዓመቱ አጋማሽ ጉዳት ሲያጋጥመው ለኬሊሄር እድል ተሰጥቶት አስደናቂ አቋም ማሳየቱ ይታወሳል።
የ26 ዓመቱ ግብ ጠባቂ በቋሚ አሰላለፍ የመጫወት ፍላጎት ያለው ሲሆን፣ ሊቨርፑሎች ለቫሌንሺያ በውሰት ውል ሰጥተውት የነበረው ጆርጂያዊ ግብ ጠባቂ ማማርዳሽቪል ወደ እንግሊዝ በመምጣቱ የኬሊሄር የመሰለፍ ዕድል ያከተመ መስሏል።
ብሬንትፎርድ ቋሚ ግብ ጠባቂውን ጆን ፍሌከንን ለ ባየር ሊቨርኩሰን መሸጡን ተከትሎ፣ ለቦታው ትክክለኛው ተተኪ ኬሊሄር መሆኑን አምኖበታል።
በሁለቱ ክለቦች መካከል ከዚህ ቀደም በዊሊያም ካርቫሊሆ እና ቫንደን በርግ ዝውውር መነሻነት መልካም የስራ ግንኙነት መኖሩ ይህኛውም ዝውውር በቀጣዮቹ ቀናት ይፋ ይደረጋል ተብሏል።
በ-አልፈሪድ ነስሮ












