:::::::::::::::::::::::::::::
የኩላሊት ጠጠር በኢትዮጵያም ሆነ በዓለም አቀፍ ደረጃ በብዙ ሰዎች ላይ የሚከሰት የጤና ችግር ነው። የኩላሊት ጠጠር በአብዛኛው ከባድ ህመም የሚያስከትል ሲሆን፣ በአንዳንድ ሁኔታዎችም የኩላሊት ሥራ መጓደል ሊያስከትል ይችላል።
#የኩላሊት_ጠጠር: ማወቅ ያለብዎ ነገር!
ምልክቶቹ ምንድን ናቸው?
ከጀርባ ወይም ከሆድ ክፍል የሚመጣ ኃይለኛ ህመም
ሽንት በመሽናት ጊዜ ህመም ወይም የማቃጠል ስሜት
በሽንት ውስጥ ደም (ሮዝ ፣ ቀይ ወይም ቡናማ ሊሆን ይችላል)
የተደጋጋሚ ሽንት የመሽናት ፍላጎት
ማቅለሽለሽ እና ማስታወክ
ትኩሳት እና ብርድ ብርድ ማለት (ኢንፌክሽን ካለ)
መንስኤዎቹ ምንድን ናቸው?
በቂ ውሃ አለመጠጣት
ከፍተኛ የስጋ ፣ ጨው እና ስኳር መውሰድ
የጤና እክሎች እንደ የስኳር በሽታ፣ የደም ግፊት እና የሽንት ቱቦ ኢንፌክሽን
እንዴት መከላከል ይቻላል?
ብዙ ውሃ መጠጣት በቀን ከ2-3 ሊትር ውሃ መጠጣት ሽንትን በማቅጠን የጠጠር መፈጠርን ይከላከላል።
ጤናማ አመጋገብ መኖር የጨው፣ የስኳር እና የፕሮቲን መጠንን መቀነስ። በምትኩ ብዙ ፍራፍሬዎችን፣ አትክልቶችን መመገብ።
የሎሚ ጭማቂ መጠጣት የሎሚ ጭማቂ ሲትሬት ስላለው የኩላሊት ጠጠር እንዳይፈጠር ይረዳል።
መድሃኒቶችን በሀኪም ትእዛዝ ብቻ መጠቀም ያለሀኪም ትእዛዝ የሚወሰዱ አንዳንድ የህመም ማስታገሻዎች ለኩላሊት ጎጂ ሊሆኑ ይችላሉ።
ህክምናው ምንድን ነው?
ትናንሽ ጠጠሮች በራሳቸው በውሃ እና በህመም ማስታገሻዎች ሊወጡ ይችላሉ።
ትላልቅ ጠጠሮች በልዩ መሳሪያዎች መሰባበር (ESWL) ወይም በቀዶ ጥገና ሊወገዱ ይችላሉ።
የኩላሊት ጠጠር ምልክቶች ካዩ ወዲያውኑ የህክምና ባለሙያ ያማክሩ። ጤናማ የአኗኗር ዘይቤ በመከተል የኩላሊት ጤናዎን ይጠብቁ!
በ-ሃና ተሰማ












