::::::::::::::::::::::::::::::::::::::::::::::::::
በኳታር ሸምጋይነት እየተካሄደ ያለው የሰላም ድርድር መደምደሚያ እስኪያገኝ ዲሞክራቲክ ሪፐብሊክ ኮንጎ እና በሩዋንዳ የሚደገፉት ኤም 23 አማፂያን በሀገሪቱ ምስራቃዊ ክፍል የሚያደርጉትን ውጊያ ለማቆም ተስማሙ።
ኤም 23 አማፂያኑ በዲሞክራቲክ ሪፐብሊክ ኮንጎ ላይ ጥቃት ከከፈቱ ከጥር ወዲህ 7 ሺህ ሰዎች ተግድለዋል፡፡ የሃገሪቷ ባለሥልጣናት ይህ የመጨረሻው የእርቅ ስምምነት ነው ብለዋል።ከሳምንት በላይ ከፈጁ ውይይቶች በኋላ ሁለቱም ወገኖች “ግልጽ እና ገንቢ” ሲሉ በጋራ ለሰላም እንደሚሰሩ ረቡዕ እለት አስታውቀዋል።
ባለፈው ወር የኮንጎው ፕሬዝዳንት ፌሊክስ ቲሺሴኬዲ እና የሩዋንዳው አቻቸው ፖል ካጋሜ በዶሃ ባደረጉት ድንገተኛ ስብሰባ “ያለ ቅድመ ሁኔታ” የተኩስ አቁም ለማድረግ ቃል መግባታቸው ተነግሯል፡፡
ኤም 23 በምስራቃዊ ኮንጎ በሚገኙት በጎማ እና ቡካቩ ትላልቅ ከተሞች ከዚህ በፊት ታይቶ የማይታወቅ ጥቃት መፈጸማቸው ለአስርት አመታት የዘለቀው ግጭት ከጥር ጀምሮ ተባብሶ እንዲቀጥል አድርጎታል፡፡ ይህም ሰፋ ያለ ክልላዊ የጦርነት ስጋትን ጭሯል፡፡
ዲሞክራቲክ ሪፐብሊክ ኮንጎ ሩዋንዳ ኤም 23ን በማስታጠቅ በግጭቱ ውስጥ ያሉትን አማፂያን ለመደገፍ ወታደሮቿን ልካለች ስትል ከሳለች፡፡ የተባበሩት መንግስታት እና አሜሪካ ሁለቱም ማረጋገጫዎች ቢኖራቸውም ሩዋንዳ M23ን አትደግፍም ስትል ክሱን ውድቅ አድርጋለች፡፡
የሩዋንዳ ጦር ከኮንጎ ጦር እና አጋር ሚሊሻዎች ለመከላከል እየሰራ ነው ስትል ተናግራለች።ዲሞክራቲክ ሪፐብሊክ ኮንጎ እና በሩዋንዳ የሚደገፉት M23 አማፂያን በተናጠል ባወጡት መግለጫ እያንዳንዱ ወገን የሰላም ድርድር እድል ለመስጠት ቃል ገብቷል ብለዋል፡፡
የተኩስ አቁም ስምምነቱ በሁለቱ መሃል ንግግር ተደርጎ እስኪተናቀቅ ድረስ ተግባራዊ ይሆናል ብለዋል። ዘገባው የቢቢሲ ነው፡፡
በ-ሰብለ ወንድማገኝ

See insights
Boost a post
Like
Comment
Share












