።።።።።።።።።።።።።።።።።።።።።።።።።።።
በክረምት የዝውውር ገበያ ኮስተር ያለ ተሳትፎ ለማድረግ የተዘጋጁት መድፈኞቹ ከአሁኑ ተጫዋች ማደን ላይ ይገኛሉ።
ኤዱን የተካው አዲሱ የክለቡ ስፖርቲንግ ዳይሬክተር አንድሬ በርታ ከአትሌቲክ ቢልባኦ የመስመር አጥቂ ኒኮ ዊሊያምስ ወኪል በዝውውር ጉዳይ መወያየቱን ተዓማኒነት ያላቸው መገናኛ ብዙሃን ዘግበዋል።
በርታ በስፔን ያለው የቀደመ የስራ ልምድ፣ ከተጫዋቹ ወኪል ፍሊክስ ታይንታ ጋር ተደራድሮ ደንበኛውን ወደ ሰሜን ለንደን ሊያመጣው ይችላል ተብሏል።
አርሰናል በ22 አመቱ ስፓንያርድን ባሳለፍነው ክረምት ለማስፈረም ቢሞክርም ተጨማሪ 1 አመት በቢልባኦ ለመቆየት በመወሰኑ ዝውውሩ ሳይሳካ ቀርቷል።
48.4 ሚሊዮን ዩሮ የውል ማፍረሻ ያለው ኒኮ ባየን ሙኒክ እናሪያል ማድሪድን በመሳሰሉ ክለቦችም ተፈላጊ እንደመሆኑ ለመድፈኞቹ ዝውውሩን ከባድ ያደርገዋል።
በ- አልፈሪድ ነስሮ












