፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡
የፌዴራል ሲቪል ሰርቪስ ኮሚሽን ኮሚሽነር መኩሪያ ኀይሌ (ዶ/ር) በአማራ ክልል የሲቪል ሰርቪስ እና የሰው ሃብት ኮሚሽን የንቅናቄ መድረክ ላይ ለመሳተፍ ባሕርዳር ገብተዋል።
ከኮሚሽነሩ ጋር የፌዴራል ሲቪል ሰርቪስ ኮሚሽን ምክትል ኮሚሽነር ጌታቸው ጀንበር (ዶ/ር) እና ሌሎች የሥራ ኃላፊዎች ተገኝተዋል።

የሥራ ኃላፊዎቹ ባሕርዳር ሲገቡ የአማራ ክልል ምክትል ርዕሰ መስተዳድር አብዱ ሁሴን (ዶ/ር)፣ የአማራ ክልል ብልጽግና ፓርቲ ቅርንጫፍ ጽሕፈት ቤት ኃላፊ ይርጋ ሲሳይ፣ የአማራ ክልል ኮሙዩኒኬሽን ቢሮ ኀላፊ መንገሻ ፈንታው (ዶ/ር)፣ የአማራ ክልል ሲቪል ሰርቪስ እና የሰው ሃብት ልማት ኮሚሽን ኮሚሽነር ባንቻምላክ ገብረማርያም እና ሌሎች የሥራ ኃላፊዎች አቀባበል አድርገውላቸዋል።

የአማራ ክልል ሲቪል ሰርቪስ እና የሰው ሃብት ልማት ኮሚሽን ክልላዊ የንቅናቄ መድረክ ዛሬ ይካሄዳል። በንቅናቄ መድረኩ የተሠሩ ሥራዎችን በመገምገም የቀጣይ አቅጣጫዎች ይቀመጣሉ ተብሎ እንደሚጠበቅ የአሚኮ ዘገባ ያመለክታል።












