፨ ፨ ፨ ፨ ፨ ፨ ፨ ፨ ፨ ፨ ፨ ፨
አዲስ አበባ | ታህሳስ 03 2017| NBC ETHIOPIA-የኦሮሚያ ባንክ ለተከታታይ 3ኛ ጊዜ የአውሮፓ ሶሳይቲ ፎር ኳሊቲ ሪሰርች (ESQR) የ2024 የጥራት ተሸላሚ በመሆኑን አስታወቀ። ባንኩ ይህንን ያስታወቀው ለመገናኛ ብዙሀን በሰጠው ጋዜጣዊ መግለጫው ነው።
የአውሮፓ ሶሳይቲ ፎር ኳሊቲ ሪሰርች (ESQR) ህዳር 30/2017 ዓ.ም በኦስትሪያ ዋና ከተማ ቪየና ባካሄደዉ የ2024 ዓመታዊ የእዉቅና እና የሽልማት መርሃ-ግብር የኦሮሚያ ባንክ ጥራትን ቀዳሚ በማድረጉ እና የስራ አፈጻጸሙ የላቀ በመሆኑ ሽልማቱ እንደተበረከተለት የባንኩ ዋና ስራ አሰፈጻሚ ተፈሪ መኰንን በመግለጫው ተናግረዋል።


የደንበኞቻችን ፍላጓት ያማከለ የባንክ አገልግሎት መስጠታችን ለድል አብቅቶናል ያሉት ዋና ስራ አስፈፃሚው ባንኩ መሰል ዓለም ዓቀፍ ተፅዕኖአቸው ከጎሉ የቢዝነስ ተቋማት ተርታ በመሰለፍ ይህን ሽልማት ለተከታታይ 3ኛ ጊዜ መቀዳጀቱ ለደንበኞቹ እና ለባለአክሲዮኖቹ እምረታው የጎላ ነው ብለዋል።
ኦሮሚያ ባንክ እያስመዘገበ ያለዉ ዘርፈ ብዙ ለዉጦች እና በሀገር ደረጃ እያሳደረ በሚገኘዉ በጎ ተፅዕኖ እንዲሁም በአለም አቀፍ ደረጃ በገነባዉ የማይዋዥ ስም እና ዝና የዘንድሮዉን እዉቅና እና ሽልማት እንዲያገኝ ምክንያት መሆኑ በመድረኩ ላይ ተገልጿል፡፡

የኦሮሚያ ዋና ስራ አሰፈጻሚ ተፈሪ መኰንን ኢትዮጵያ በቅረቡ ከተገበረችዉ ሙሉ የኢኮኖሚ ርፎርም ጋር እኩል በማራመድ በሃገሪቱ የፋይናንስ ዘርፍ ለምንጫወተው ሚና በተሻለ ትጋትና በላቀ የደንበኞች አገልግሎት አሰጣጥ ላይ ያለንን እውቀት፣ ክህሎትና ተነሳሽነት በማቀናጀት ከፍተኛ እመርታን ለማስመዝገብ የሚያስችለንን ተጨማሪ መነቃቃትና ጉልበት የሚፈጥርልን ነው ብለዋል።

በሽልማቱ ለመታጨት ከዓለም-ዓቀፍ ኮርስፓንደንት ባንኮችን፣ ከንግድ ተቋማትን፣ ከጥናትና ምርምር ተቋማትንና የዘርፉ ባለሞያዎችን፣ ከዚህ ቀደም በድርጅቱ የተሸለሙ ተቋማትን እና ከሌሎች የዘርፉ ባለድርሻ አካላቶችን በመረጃ ምንጭነት በመጠቀምና ትንተና በማድረግ በሚሰጠው ድምፅ አማካኝነት ነው።
በሽልማት መርሀግብሩ ከኢትዮጵያ ኦሮሚያ ባንክን ጨምሮ ከ41 ሀገራት የተወጣጡ 49 የተለያዩ መንግስታዊ እና መንግስታዊ ያልሆኑ ስኬታማ ተቋማት እውቅና አግኝተዋል።
በ-ሀሴት ኃይሉ











