፨ ፨ ፨ ፨ ፨ ፨ ፨ ፨ ፨ ፨ ፨ ፨
አዲስ አበባ | ታህሳስ 02 2017| NBC ETHIOPIA- ስፒና ቢፊዳ ማለት የነርቭ ዘንግ ክፍተት ሲሆን ሃይድሮስፋሌስ ማለትም ጭንቅላት ውስጥ ከመጠን በላይ ፈሳሽ ሲጨምር ነው።
የኢፌዴሪ የሕዝብ ተወካዮች ምክር ቤት ምክትል አፈ ጉባኤ ሎሚ በደዎ የነርቭ ዘንግ ክፍተት አፈጣጠር እና የጭንቅላት ፈሳሽ ክምችት ዓለም ዓቀፍ ቀን በኢትዮጵያ ዘንድሮ ለአምስተኛ ጊዜ እየተከበረ መሆኑን ተናግረዋል።

የጤና ችግሮቹ አሳሳቢ እንደሆኑ ጠቅሰው የምግብ ማበልፀግ ላይ በመስራት ሥርዓተ ምግብን በማስተካከል ረገድ ሁሉም ባለድርሻ አካላት ኃላፊነታቸውን እንዲወጡ አሳስበዋል።
የነገ ተስፋ የሆኑ ሕጻናት እና ሴቶች የሕመሙ ተጠቂ በመሆናቸው ልዩ ትኩረት በመስጠት ጤናማ ትውልድን መፍጠር ይገባል ብለዋል።
በኢትዮጵያ በዓመት ከ30 ሺህ ያላነሱ ሕጻናት በስፒና ቢፊዳ ሕመም እንደሚጠቁ መረጃዎች ይጠቁማሉ።
በ-ፍቅረሚካኤል ዘየደ











