፨ ፨ ፨ ፨ ፨ ፨ ፨
አዲስ አበባ | ህዳር 11 2017| NBC ETHIOPIA- በዓለም አቀፍ ደረጃ ከህዳር 9 እስከ 15 እየተካሄደ የሚገኘው የፀረ-ተህዋሲያን መድኃኒቶች በጀርሞች መላመድ የግንዛቤ ማስጨበጫ ሳምንትን የተመለከተ መድረክ እየተካሄደ ይገኛል።
በመድረኩ ንግግር ያደረጉት የጤና ሚንስትሯ መቅደስ ዳባ (ዶ/ር) የፀረ ተህዋሲያን መድኃኒቶች በጀርሞች መላመድ በሰው፣ እንስሳት እና አካባቢ ጤና እንዲሁም ማህበራዊ እና ኢኮኖሚያዊ ጉዳዮች ላይ ከፍተኛ ጉዳት እያደረሰ የሚገኝ አሳሳቢ ዓለም ዓቀፉዊ ችግር ስለመሆኑ አብራርተዋል።
በዓለም ዓቀፍ ደረጃ በየዓመቱ ከሚከሰተው ሞት 4 ነጥብ 7 በመቶው በፀረ ተህዋሲያን መድኃኒቶች በጀርሞች መላመድ ሳቢያ የሚፈጠር ነው ያሉት ሚኒስትሯ ከእዚህ ውስጥ 20 በመቶው በአፍሪካ የሚፈጠር መሆኑን ገልጸዋል።
ኢትዮጵያ ከችግሩ ተጠቂዎች መካከል ናት የተባለ ሲሆን ይህም ወደጤና ተቋማት የሚመጡ አብዛኞቹ ህክምና ፈላጊዎች ወጪያቸው በሶስት እጥፍ እንዲያድግ እያደረገ ነው ተብሏል።
“እናስተምር፣ እናሳውቅ፣ አሁን እንተግብር” በሚል መሪ ቃል የሚከበረው የግንዛቤ ማስጨበጫ ሳምንቱ የዓለም ጤና ድርጅት፣ ዓለም ባንክ፣ ዩኤስ ኤድን በመሳሰሉ ዓለም ዓቀፍ ተቋማት ድጋፍ የሚከበር ነው።
በ-መቅደስ ደምስ
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Website – https://nbcethiopia.com/news/
Telegram-https://t.me/nbcethiopiatv












