፨ ፨ ፨ ፨ ፨ ፨ ፨ ፨ ፨ ፨ ፨
አዲስ አበባ | መስከረም 29 2017| NBC ETHIOPIA- በማዕከላዊ ጎንደር ዞን ለምቶ እየተሰበሰበ ካለው የሰሊጥ ሰብል ከ602 ሺህ ኩንታል በላይ ምርት እንደሚጠበቅ የዞኑ ግብርና መምሪያ ገለጸ።
አሁን ላይ የደረሰውን የሰሊጥ ሰብል ለመሰብሰብ የጉልበት ሰራተኛ እጥረት እንዳለም ተገልጿል።
የዞኑ ግብርና መምሪያ ኃላፊ አቶ ንጉሴ ማለደ፥ ምርቱ እየተሰበሰበ ያለው በመኽር ከተሸፈነው 75 ሺህ 277 ሄክታር መሬት ላይ ነው ብለዋል።

በምርት አሰባሰቡ ሂደት የሰብል ቁመናው በጥሩ ደረጃ ላይ የሚገኝ ቢሆንም የጉልበት ሰራተኛ እጥረት መኖሩን አንስተዋል፡፡
የሰሊጥ ሰብሉ የተመረተው በዞኑ በታች አርማጭሆ ፣በማዕከላዊ አርማጭሆ፣ በጠገዴ፣ በአለፋ፣ በጣቁ፣ በጭልጋ፣ በነባሩ ጭልጋ፣ በምስራቅ በለሳ፣ በምዕራብ በለሳ እና በኪንፋዝ በገላ ወረዳዎች ውስጥ ነው፡፡

በልማቱ 24 ሺህ 526 በላይ አርሶአደሮች ተሳታፊዎች ሲሆኑ ከዚህ ውስጥ 1 ሺህ 453 የሚሆኑት ሴቶች መሆናቸውን የገለፁት ኃላፊው “ምርቱ በዓለም ገበያ አዋጪ በመሆኑ የምርት ብክነት እንዳያጋጥም ትኩረት ተደርጎ እየተሰራ ነውም” ብለዋል ።
በዞኑ ለምቶ እየተሰበሰበ ካለው የሰሊጥ ሰብልም 602 ሺህ 216 ኩንታል በላይ ምርት እንደሚጠበቅ የዞኑ ግብርና መምሪያ ኃላፊ መግለጹን ከአማራ ኮሙኒኬሽን ያገኘነዉ መረጃ ያመለክታል።
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Facebook – https://www.facebook.com/ethiopiannbc/
Telegram-https://t.me/nbcethiopiatv












