፨ ፨ ፨ ፨ ፨ ፨ ፨ ፨ ፨ ፨ ፨
አዲስ አበባ | መስከረም 13 2017| NBC ETHIOPIA- የደሴ ከተማ ሰላምና ደህንነት መምሪያ የደመራና የግሸን ማርያም በዓል አከባበርን አስመልክቶ ከሃይማኖት አባቶችና ከጸጥታ አባላት ጋር ውይይት አካሂዷል።
ደሴ ከተማ ማህበረሰቡና የሃይማኖት አባቶች ሰላም ወዳድ በመሆናቸው ሰላማችን ተጠብቆ የደመራ በዓልን ለማክበር ደርሰናል በዓሉም በሰላም ተከብሮ እንዲጠናቀቅ የጸጥታ አባሉ፣ የከተማዋ ማህበረሰብና የሃይማኖት አባቶች በጋራ መስራት ይጠበቃል ተብሏል።
ኮማንደር ሰይድ አሊ የደሴ ከተማ ሰላምና ደህንነት ሃላፊ በዓሉ ከሚከበርበት ራቅ ያሉ አካባቢዎች ላይ ያሉ ምዕመናን ቀደም ብለው በመነሳት አረጋውያንና ህጻናትን በመጠበቅ ህገወጥ ተግባሮችን ለጸጥታ አካል በመጠቆም በዓሉ በሰላምና በወቅቱ ተከብሮ እንዲጠናቀቅ በጋራ መስራት ይጠበቃል ብለዋል።
የሀይማኖት አባቶች እንዳሉት በሃይማኖት በዓላቶችና የከተማችንን ሰላም በማስጠበቅ ማህበረሰቡ ያለስጋት እንዲቀሳቀስ በጸጥታ አባሎቻችን እየተደረገ ያለው እንቅስቃሴና ትግል እጅግ ሚመሰገን መሆኑን ገልጸዋል።

መስከረም16/207 የሚከበረውን የደመራ በዓልም እኛም አንደ ሃይማኖት አስተምሮታችን ለሰላም ትልቅ ዋጋ ሰጥተን ከምዕመናኑ ጋር በመወያየት በዓሉ በሰላም እንዲከበርና ስርዓቱ በወቅቱ እንዲጠናቀቅ ዝግጅት መጨረሳቸውን ገልጸው፤ ከጸጥታ አባሎች ጋርም በጋራ ለመስራት ዝግጁ መሆናቸውን ተናግረዋል።
የጸጥታ አባሎችም እንደ ጸጥታ መዋቅራችን ከደመራ በዓል ጀምሮ እስከ ጊሸን ማርያም ክብረበአል ያለምንም የጸጥታ ችግር ተከብሮ እንዲጠናቀቅ ለማድረግ ዝግጅታችንን ጨርሰናል ብለዋል።

አክለውም የሃይማኖት አባቶችም ለምዕመናኑ ጠንከር ያለ መልዕክት በማስተላለፍ በዓሉ በወቅቱ እንዲከበር መደረጉ ለምዕመኑ ደህንነት መሆኑን በማስገንዘብ በሰላም ተከብሮ አንዲጠናቀቅ ተጋግዘን መስራት ይጠበቅብናል ሲሉ መግለፃቸውን አማራ ኮሙኒኬሽን ዘግቧል።
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Website – https://nbcethiopia.com/news/
Telegram-https://t.me/nbcethiopiatv












