፨ ፨ ፨ ፨ ፨ ፨ ፨ ፨ ፨ ፨
አዲስ አበባ | መስከረም 09 2017| NBC ETHIOPIA-የኢትዮጵያ ምግብና መድኃኒት ባለስልጣን ሦስት ዓይነት የከረሜላ ምርቶችን ሕብረተሰቡ እንዳይጠቀማቸው አሳሰበ።

ከሕብረተሰቡ በደረሰው ጥቆማ መሰረት ብሔራዊ አስገዳጅ ገላጭ ጽሑፍ ደረጃ CES 73/2013 ሳያሟሉ ገበያ ላይ የተገኙ ሦስት አይነት የከረሜላ ምርቶችን ይዟል።

ባለስልጣኑ እነዚህን የከረሜላ ምርቶች ማን እንዳመረታቸው፣ የት እንደተመረቱና የምርት ባች ቁጥር የሌላቸው በመሆኑ የአገሪቱን አስገዳጅ ገላጭ ፅሑፍ ደረጃ ስለማያሟሉ ህብረተሰቡ እንዳይጠቀማቸው አሳስቧል።

ለባለስልጣን መስሪያ ቤቱ ጥቆማ በመስጠት ተሳትፎ ያደረጉ የህብረተሰብ ክፍሎችን እያመሰገነ መሰል ጤና የሚጎዱ ሕገወጥ ምርቶች ሲያጋጥሙ በነፃ የስልክ መስመር 8482 ወይም በየአካባቢው ላሉ የጤና ግብዓት ተቆጣጣሪ ተቋማትና ለፖሊስ አካላት ጥቆማ በመስጠት ትብብራቸውን አጠናክረው እንዲቀጥሉ የኢትዮጵያ ምግብና መድኃኒት ባለስልጣን ጥሪ አስተላልፏል፡፡
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Facebook – https://www.facebook.com/ethiopiannbc
Telegram-https://t.me/nbcethiopiatv












