፨ ፨ ፨ ፨ ፨ ፨ ፨ ፨ ፨ ፨
አዲስ አበባ | መስከረም 08 2017| NBC ETHIOPIA- የአሜሪካው ፕሬዝዳንት ጆ ባይደን የሱዳን ተፋላሚ ወገኖች ተኩስ አቁመው ሰብአዊ እርዳታ ለዜጎች እንዲደርስ መፍቀድ አለባቸው ሲሉ ተናገሩ፡፡
ባይደን በመልዕክታቸው የሱዳን ሁለቱም ተፋላሚ ሀይሎች ለንጹሀን ስቃይና ሞት ሀላፊነቱን መውሰድ ይኖርባቸዋል፤ አክለውም ተፋላሚ ወገኖች በአስቸኳይ ጦርነት በማቆም ወደ ድርድር መምጣት ይጠበቅባቸዋል ሲሉ ተናግረዋል፡፡
ዓለምአቀፉ ማህበረሰብና የተባበሩት መንግስታት ድርጅት ጦርነቱ ሊቆም በሚችልበት መንገድ መምከር አለባቸውም ተብሏል፡፡
በጄነራል ሙሀመድ ሀምዳን ዳጋሎ መራሹ ልዩ ሀይልና እና በጄነራል አብደል ፈታህ አል ቡርሀን በሚመራው ፤ የሱዳን ጦር ሰራዊት መካከል እየተካሄደ የሚገኘው ጦርነት፤ ከሱዳን አልፎ ምስራቅ አፍሪካ ቀጠናን እየፈተነ እንደሚገኝ መረጃዎች ያመላክታሉ፡፡
እንደተባበሩት መንግስታት ድርጅት መረጃ ፤ 17ኛ ወሩን ባስቆጠረው የሱዳን እርስ በርስ ጦርነት ከ20 ሺህ በላይ ዜጎች ሲሞቱ ከ10 ሚሊዮን በላይ ዜጎች ተፈናቅለዋል፡፡ ዘገባው የአናዶሉ ነው፡፡
በ-ቶማይ መኮንን
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Facebook – https://www.facebook.com/ethiopiannbc
Telegram-https://t.me/nbcethiopiatv












