፨ ፨ ፨ ፨ ፨ ፨
አዲስ አበባ | ሐምሌ 08 2016| NBC ETHIOPIA- መገኛዋ በማዕከላዊ እስያ ሲሆን ኡዝቤኪስታን፣ ኪርጊስታን፣ ቻይና እና አፍጋኒስታን የሚያዋስኗት ሀገራት ናቸው ታጂኪስታን
ታጂኪስታን በጥንታዊው ሥነ-ሕንፃ፣ በአስደናቂ የተፈጥሮ ገጸ በረከቶች የተሞላች ናት፡፡
በረጅም ተራራዎች የተከበበችው ሀገሪቷ ለፈረስ ግልቢያ፣ ለእግር ጉዞ የተመቸች ስትሆን፣ በተራራዎች መካከል የሚገኙት ሀይቆቿ ለቱሪስቶች ማረፊያ ስፍራ ነው፡፡ ዱሻንቤ የታጂኪስታን ዋና ከተማዋ ናት፣በርካታ የቱሪስት መዳረሻዎችን አካታ የያዘችም ናት፡፡ ሩዳኪ የተሰኘው ፓርክ ደግሞ በብዙዎች የሚጎበኝና የከተማዋ ዋና መገለጫም ነው፡፡
ሩዳኪ ፓርክ ፏፏቴዎችን እና ውብ መልክዓ ምድራዊ አቀማመጥ የተላበሰ የአትክልት ስፍራ አለው፡፡ ፓርኩ ካሉት የተፈጥሮ ገጸ በረከቶች ባለፈ በውስጡ እውቅ ሐውልትም ይዟል፡፡ ሀውልቱ መታሰቢያነቱ በ858 ዓ.ም በሀገሪቷ የበርካታ ሙያዎች ባለቤት ለነበረው ኢብኑ ሙሀመድ የቆመ ነው፡፡ኢብኑ ሙሀመድ ሙዚቀኛ፣ገጣሚ እና የጥንታዊ የፋርስ ስነ-ጽሁፍ መስራች ነበረ ግለሰብ ነው፡፡

የፋን ተራሮች በታጂኪስታን ከፍታ ላይ የሚገኝ የተራራ ስፍራ ነው፡፡ ተራራዎቹ ከ5000 ሜትሮች በላይ ከፍታ አላቸው። ሰንሰለታማ የሆነው ተራራው ቱሪስቶች የእግር ጉዞ ለማድረግ የሚመርጡት ሁነኛ ስፍራ ነው፡፡ በፋን ተራሮች ላይ በእግር የሚጓዙ እግረኞች በ2000 እና 4000 ሜትሮች መካከል ባሉ ከፍታዎች ላይ ጉዟቸውን ያደርጋሉ፡፡በተራራዎቹ መካከል የሚገኘው ሀይቅ ደግሞ ለስፍራው ተጨማሪ ውበትን የደረበለት ሲሆን ጎብኚዎች እረፍት ለማደረግ የሚመርጡት ስፍራ ነው፡፡
ጋርም-ቻሽማ የተፈጥሮ ፍልውሃ በታጂክ ቋንቋ ‹ትኩስ ምንጭ› የሚል ትርጓሜ አለው፡፡ ከባህር ጠለል በላይ 2,325 ሜትር ከፍታ ላይ ሲገኝ በጋርም-ቻሽማ ወንዝ መሃል ላይ ይገኛል። በተፈጥሮ ፍልውሃ የተከበበው ስፍራው የተላዩ ህብረ ቀለባትን የተላበሰ የመዋኛ ስፍራ አለው፡፡ ገንዳው 1.5 ኪሎ ሜትር ርዝመት ያለው ሲሆን 35-45 ሜትር ስፋት አለው፡፡ ከመሬት በታች የሚወጣው የማዕድን ውሃ ከ 10 ሴ.ሜ እስከ 1.5 ሜትር ከፍታ ያላቸው ትናንሽ እና ትላልቅ ፏፏቴዎች መፍጠር ችሏል፡፡ ፏፏቴዎቹ አማካይ በሴኮንድ ከ 5 እስከ 7 ሊትር የሞቀ ውሃን ያመነጫሉ፡፡ብረት, አሉሚኒየም, ማግኒዥየም, ስትሮንቲየም, ፍሎራይን እና ሌሎች የኬሚካል ንጥረ ነገሮችን ይዟል፡፡
የውሃው ሙቀት በ 62 ዲግሪ ሴንቲ ግሬድ አካባቢ ነው፡፡ የፍል ውሃው ለቱሪስቶች የመዝናኛ እና ነፍስን ለማደስ ከመዋሉ ባሻገር ለአካባቢው ነዋሪዎች ምግብ ለማብሰልና ለመጠጥ የሚያገለግሉ ንጥረ ነገሮችን አካቶ ይዟል፡፡
የታጂኪስታን ብሔራዊ ሙዚየም በታጂኪስታን ሪፐብሊክ ጥንታዊ እና ታሪካዊ ቅርሶችን የያዘ በዋና ከተማው የሚገኝ ግዙፍ ሙዚየም ነው፡፡ በማዕከላዊ እስያ የምትገኘውን ትንሿ የታጂኪስታ ሀገር ለመቃኘት የሚመጡ ጎብኚዎች ልዩ የሆነው የሙዚየሙ የኪነ ሕንፃ ዲዛይን ይደነቃሉ፡፡ የሙዚየው ጣሪያ የሀገሪቷን ብሔራዊ አርማ በግልጽ የሚያሳይ ነው፡፡
ሀገሪቷን ሲመሯቸው የነበሩ መሪዎችን ምስል፣ የተለያዩ ሀውልቶች፣ባለፈው ዘመን ህብረተሱ ሱጠቀምባቸው የነበሩ መሳሪያዎችን እና የአኗኗር ዜያቸውን የሚያሳዩ ቅርጻ ቅርጾች የያዘ ነው፡፡
በመዲናዋ ትልቁ የቱሪስት መስህብ ሲሆን ግዙፉ የዱሻንቤ ባንዲራ በዚህ እድሜ ጠገብ ሙዚየሙ አቅራቢያ ይገኛል፡፡ እ.ኤ.አ. በ 2023 ሙዚየሙ በ 100ሺ576 ቱሪስቶች የተጎበኘ ሲሆን፣ 5176 የውጭ እና 95ሺ 400 የሀገር ውስጥ ጎብኚዎች ናቸው፡፡

እ.ኤ.አ ከ1936 እስከ 1991 ሁለተኛዋ ትልቁ የታጂኪስታን ከተማ እና የሱድ ግዛት ዋና ከተማ ነበረች ኩጃንድ።
ኩጃንድ በመካከለኛው እስያ ከሚገኙት ጥንታዊ ከተሞች አንዷ ነች፣ ከፋርስ ኢምፓየር ጀምሮ ከ2,500 ዓመታት በላይ እንዳስቆጠረች መረጃዎች ያሳያሉ፡፡ እ.ኤ.አ. በ1644 እስከ 1656 በሙጋል ንጉሠ ነገሥት ሻህ ጃሃን የተገነባው መስጂዲ ጃሚ ለአመታት የሙጋል ንጉሠ ነገሥታት ንጉሠ ነገሥት መስጊድ ሆኖ አገልግሏል። መስኪዱ በውብ የኪነ ህንጻ ዲዛይኖች የተዋበ እና በውስጡም ሌሎች በርካታ ህንፃዎች አሉት ፡፡
የሻህ ጃሃን መስኪድ ከፍተኛ ቁጥር ያላቸው የእስልምና እምነት ተከታዮች ለሃይማኖታዊ ስርዓት የሚገለገሉበት ስፍራ ነው፡፡












