፨ ፨ ፨ ፨ ፨ ፨
አዲስ አበባ | ሐምሌ 03 2016| NBC ETHIOPIA-በየጊዜው በርካታ አዳዲስ ሁነቶች ከማስተናገድ ቦዘና የማታውቀው ዓለማችን እጅን በአፍ የሚያስጭኑ እና እንዲህም አለ እንዴ የሚያስብሉ ክስተቶን ታስመለክተናለች።ከሰሞኑ የተከናውኑ አስገራሚ ሁነቶች እናስመልክታችሁ።
ስፍር ቁጥር የሌላቸው ነፍሳት በመላው ዓለም ይገኛሉ፣ አብዛኞቹም በተለያዩ ሀገራት ለምግብነት ሲውሉ ማየት የተለመደ ነው፣
ሀገራቱ ይህን የሚያደርጉት ምግብ የምግብ እጥረታቸውን ለመሸፈን ሳይሆን የጣዕም ጉዳይ ሆኖባቸው ነው፡፡ እነሱ ጋር ሲያዩት ያላመረ ሲበሉት ያቅራል አይባልም መጀመሪያ ያጣጥማሉ።
በሲንጋፖር የተሰማን አዲስ ዜና ልናካፍላችሁ ነው፣የሀገሪቱ የምግብ ኤጀንሲ 16 ነፍሳትን ለምግብነት እንዲውሉ ብሄራዊ ፍቃድ ሰጥቷል፡፡ መመገብ ብቻ ሳይሆን ለሽያጭም እንዲውሉ ነው ፍቃዱ የተሰጠው። ይህ ፍቃድ ከመውጣቱ በፊት በሲንጋፖር ነፍሳትን ለምግብነት ማዋል እምብዛም ያልተለመደ ነው፡፡

በሀገር ውስጥ የማይገኙ የነፈሳት ዝርያዎች ወደ ሀገር ውስጥ እንዲገቡ እንደሚፈቅድም የሲንጋፖር የምግብ ኤጀንሲ በመግለጫው አትቷል።
ተመራማሪዎች ከ2,100 በላይ ሊበሉ የሚችሉ የነፍሳት ዝርያዎችን መዝግበዋል ብዙዎቹ በቪታሚኖች እና ማዕድናት የበለጸጉ እና የከፍተኛ ፕሮቲን ምንጭ ሆነው ያገለግላሉ ሲሉ በምርምር ውጤታቸው አስፍረዋል።
የዓለም ኢኮኖሚክ ፎረም በፈረንጆችሁ 2022 ባወጣው ዘገባ “ነፍሳት ችላ የተባሉ የፕሮቲን ምንጭ እና የአየር ንብረት ለውጥን ለመዋጋት የሚረዱ ስለመሆናቸው ገልጿል። ነፍሳት የአየር ንብረት ለውጥን በብዙ መልኩ ማካካስ ይችላሉ ሲሉም የዘርፉ ተመራማሪዎች ይገልጻሉ።
ፌንጣ በሜክሲኮ እንደ ተወዳጅ ጣፋጭ ምግብ ያገለግላል። ጉንዳኖች፣ ክሪኬቶች እና ታርታላላዎች እንደ ታይላንድ እና ካምቦዲያ ባሉ ሌሎች የደቡብ ምስራቅ እስያ ሀገራት በብዛት ይበላሉ ይላል ሲኤን ኤን ባስነበበው ሃተታ።
ከሰሞኑ ከወደ ቻይና የተሰማው ሌላኛው አነጋጋሪ ወደሆነው ጉዳይ አለፍን እነዚህ ፎቶች ጎን ለጎን አድርጎ ለተመለከታቸው ፈጽሞ አንድ አይነት ሰው መሆናቸውን ለማመን ቢከብዶት አይፈረድቦትም።

ከሜካፕ ጋር የተያያዙ ቪዲዮዎችን በታዋቂው ማህበራዊ ድህረ ገጽ ላይ እየለጠፈች የቆየችው ቻይናዊቷ ግለሰብ የ66 አመቱ አዛውንት አያቷን እንደ ሞዴል በመጠቀም በእድሜ ሶስት አስርት ዓመት ያነሰ ወጣት መቀየር ችላለች። ይህም የብዙዎችን ትኩረት ስቧል።
በአንድ ደቂቃ ውስጥ 55 ፊኛዎችን በማፈንዳት ስሙን ለአንድ መቶ ሰማኛ ጊዜ የዓለም ጊነስ ወርልድ ኦፍ ሪከርድ ላይ ማጻፍ የቻለውን ግለሰብን እናስተዋወቃችሁ።
ዴቪድ ሩሽ ይባላል። በርካታ የዓለም ጊነስ ወርልድ ኦፍ ሪከርድ ባለቤት በመሆኑ ስሙ ዓለም ላይ ታዋቂ ነው።
ዴቪድ 55 ፈኛዎችን በአንድ ደቂቃ በማፈንዳት ሪከርድ መስበር ችሏል። በአንድ መወርወሪያ ቾፕስቲክ አንድ ፊኛ ብቻ እንዲመታ በሚፈቅደው ህግ መሰረት 55 ፊኛዎችን ለመበተን ችሏል።

በቅርቡ በኒውዮርክ በተደረገ ውድድር ሪከርዱን የሰበረችው አሽሪታ ፉርማን በአንድ ደቂቃ ውስጥ 36 ፊኛዎችን በማፈንዳት ነበር።
ሩሽ በጊነስ ወርልድ ሪከርዶች 180ኛ ያስመዘገበ ሲሆን በዚህም የአለም ሪከርድ ሰባሪ ከሆነው ጣሊያናዊው ሲልቪዮ ሳባ ጋር እኩል መሆን ችሏል።
በ- ሀይማኖት ወርቁ












