፨ ፨ ፨ ፨ ፨ ፨
አዲስ አበባ | ሰኔ 20 2016| NBC ETHIOPIA-የኦሮሚያ ክልል ርዕሰ መስተዳድር አቶ ሽመልስ አብዲሳ የክረምት አረንጓዴ አሻራ ችግኝ ተከላ መርሐ-ግብር በክልል ደረጃ በቄለም ወለጋ ዞን ላሎ ቂሌ ወረዳ አስጀምረዋል።
ርዕሰ መስተዳድሩ መርሐ-ግብሩን ባስጀመሩበት ወቅት ባስተላለፉት መልዕክት፣በአረንጓዴ አሻራ መርሐ-ግብር የተሠራውን ሥራ አጠናክሮ በማስቀጠል የደን ሽፋንን ማሳደግ ይገባል ብለዋል።
የለውጡ መንግስት ባለፉት ዓመታት የዜጎችን የኑሮ ሁኔታ ለማሻሻል በልዩ ትኩረት እየሰራ ነው ያሉት አቶ ሽመልስ ፈተናዎች ሳይበግረው ለመጪው ትውልድ የተሻለች ሀገር ለማስረከብ የተለያዩ ፕሮጀክቶችን ተግባራዊ እያደረገ ይገኛል ብለዋል።

መንግስት ሥር የሰደደውን ኃላ ቀርነትና ድህነትን ከስሩ በመንቀል ዜጎችን ወደ ብልጽግና ለማሸጋገር እየሰራ መሆኑን ጠቅሰው ብልጽግናን ለማረጋገጥ ከህዝብ ጋር በመቀናጀት በልዩ ትኩረት እየተሰራ እንደሚገኝ ገልጸዋል።
መንግስት ምዕራብ ኦሮሚያን የሰላም የልማትና የብልጽግና ማዕከል ለማድረግ እየሰራ መሆኑን በመግለጽ ህዝቡ ሰላምን ለማጽናት የጀመረውን ጥረት አጠናክሮ እንዲቀጥል ጥሪ አቅርበዋል።
በአረንጓዴ አሻራ የሚተከሉ ችግኞች ቀጣዩን ትውልድ ታሳቢ ያደረጉ መሆናቸውን ጠቅሰው በመርሃግብሩ ዘርፈ ብዙ ጠቀሜታ ያላቸው የተለያዩ ችግኞች እንደሚተከሉ ተናግረዋል።
የኦሮሚያ ክልል የግብርና ቢሮ ኃላፊ አቶ ጌቱ ገመቹ በበኩላቸው:-በኦሮሚያ በዘንድሮው አረንጓዴ አሻራ መርሃግብር 4 ነጥብ 95 ቢሊየን ችግኝ ይተከላል።
ለመርሃግብሩ 5.5 ቢሊየን ችግኝ የተዘጋጀ ሲሆን 4.95 ቢሊየን ችግኝ እንደሚተከልም ተናግረዋል።አረንጓዴ አሻራ የምግብ ዋስትናን ለማረጋገጥ የውሃ ሀብትን ለማሳደግ የደን ሽፋንን ከፍ ለማድረግ እንደሚረዳ ገልጸው ባለፉት አምስት አመታት 18.6 ቢሊየን ችግኞች መተከላቸውን አስረድተዋል።በአገር አቀፍ ደረጃ በዘንድሮው የአረንጓዴ አሻራ መርሃግብር 7.5 ቢሊየን ችግኝ ተመትከል መታቀዱ ይታወሳል።
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Website – https://nbcethiopia.com/news/
Telegram-https://t.me/nbcethiopiatv












