፨ ፨ ፨ ፨ ፨
አዲስ አበባ | ሰኔ 10 2016| NBC ETHIOPIA-አለም ከአራቱም አቅጣጫ በብርሃን ፍጥነት በርካታ አስገራሚ ጉዳዮችን ታስተናግዳለች፡፡ እኛም ከሰሞንኛ አስገራሚ እና አነጋጋሪ ጉዳዮች ጥቂቶቹን መርጠን እናስቃኛችሁ፡፡
እድለኛ ሰው በሚል አነጋጋሪ ሆኗል፡፡ አንገቱ ላይ ባደረገው የብር ሀብል ምክንያት ከሞት የተረፈው ግለሰብ፡፡
የኮሎራዶ ነዋሪ የሆነው ግለሰብ በተፈጠረ አለመግባባት መሃል ጥይት ይተኮስበታል፡፡ በዚ ጊዜ ነበር አስገራመሚው ክስተት የተከሰተው፤ ይህ ስሙ ያልተጠቀሰ ግለሰብ አንገቱ ላይ ያንጠለጠለው የብር ሐብል በተተኮሰበት ጥይት ከመሞት ታድጎታል ይለናል የከተማዋ ፖሊስ በፌስቡክ ገጹ ላይ የአንገት ብሩን ምስል አያይዞ ባጋራው ጽሁፍ ፡፡

ምስጋና ላደረገው የብር ሰንሰለት እና ወደ ሰውየው አንገት ተነጣጥሮ የተተኮሰውን ጥይት ወደ ውስጡ እንዳይገባ መክቶለታል፡፡
የአንገት ሀብሉ ሲታይ ቀለሙ ብር ቢመስልም ለስላሳ ብረት በመሆኑ ሊተርፍ እንደቻለ ፖሊስ ገልጿል። ይህ 10 ሚሊሜትር ስፋት ያለው ሀብል ሰውየው በሂዎት እንዲቆይ ያደረገው ብቸኛው ምክንያት ነው ተብሏል፡፡
ለመሻገር ከአራት ደቂቃ በላይ ስለሚወስደው የአለማችን ሰፊው ጎዳና እንንገራቹ፡፡ኢትዮጵያን ጨምሮ በበርካታ የአለም ሀገራት ለሚኖሩ ዜጎች የመንገድ መጨናነቅ አሳሳቢ ጉዳይ ነው፡፡በአርጀንቲና ቦንስሳይረስ የሚገኘው ፈጣን መንገድ ግን የአለማችን ሰፊዉ መንገድ በመሆን ክበረወሰን ይዟል፡፡

avenida 9 de Julio የተሰኘው ይህ መንገድ ወደ 140 ሜትር ገደማ ስፋት ሲኖረው በአጠቃላይ 16 የአስፋልት መስመሮችን ይዟል፡፡ ከአንድ ጎን ወደ ሌላውኛ ለመሻገርም ደቂቃዎችን ሊፈጅ ይችላል፡፡
ታዲያ ከሰሞኑ ይህንን ጎዳና መነጋገሪያ እንዲሆን ያደረገው አንድ ግለሰብ ከአንዱ የጎዳናው ጫፍ ወደ ሌላኛው ለመሻገር አራት ደቂቃ ከ17 ሰከንድ እንደወሰደበት በማህበራዊ ትስስር ገጹ ካጋራ በኃላ ነው፡፡
ቦነስ አይረስ የደቡብ አሜሪካዋ ፓሪስ በሚል ቅጽል ትታወቃለች፡፡ በዚም የተነሳሱት የአካባቢው ባለስልጣናት ስሟን የምትመጥን ለማድረግ በፓሪስ ቻምፕስ ኢሊሴ ጎዳና ተነሳስተው እንደገነቡት ይነገራል፡፡ይህ በቦነስ አይረስ የተገነባው ጎዳናም ፓሪስ ከሚገኛው በእጥፍ የሚበልጥ ነው፡፡
ጎዳናው በፈረንጆቹ 1980 ግንባታው ይጠናቀቅ እንጂ እስካሁን ድረስ የሚተካከው ሌላ ጎዳና ባለመኖሩ እስከዛሬ ድረስ የአለማችን ትልቁ ጎዳና በመሆን የጊነስ ወርልድ ክብረ ወሰንን እንደያዘ ቀጥሏል ፡፡
ቡና መጠጣት በርካቶች በእለት ተእለት ውሎዋቸው ሳይከውኑት የማይውሉት ነገር ነው፡፡

ቡና ከወተት ጋር ወይም አንዳንድ ከተለመዱ ነገሮች ጋር ደባለቆ መጠጣትም የተለመደ ነው፡፡ ከነዚም ውስጥ አይስድ ላቴ ወይም ቡና ወተት እና በረዶ የሚቀላቀልበት መጠጥ ታዋቂ ነው፡፡ ከሰሞኑ ግን ከወደ ቻይና የተሰማው የቡና ውህድ በዙዎች ዘንድ ግርምትን ጭሯል፡፡ scallion ላቴ በማለት የተሰየመው መጠጥ ከሰሞኑ በርካቶች በማህበራዊ ትስስር ገጻቸው ይቀባበሉት ይዘዋል፡፡ የማህበራዊ ትስስር ገፅ በሆነው ቲክ ቶክም ብዙ እይታን አግኝቷል፡፡ከዚም አልፎ እስከዛሬ ከነበረው ውህድ ሁሉ አስገራሚው በማለት የሚዲያ ሽፋን እስከማግኘት ደርሷል ፡፡
ይህንንም መጠጥ አስገራሚ ያደረገው ባለተለመደ መልኩ ቡና ፣ ወተት ፣ በረዶ እና ሊጨመር ይችላል ተቦሎ የማታሰበውን አረንጓዴ ሽንኩርትን ተቀላቅሎ በመሰራቱ ነው፡፡
በ-የአብስራ ብርሃኑ












