፨ ፨ ፨ ፨ ፨
አዲስ አበባ | ግንቦት 27 2016| NBC ETHIOPIA- የበረዶ ከተማ ስሟ መጠሪያ ነው፤ በሰሜን ምስራቅ ቻይና የምተገኘው ትንሿ ሞስኮ፡፡
በሀይሎንግጂን ግዛት በደቡብ ምዕራብ አቅራቢያ ትገኛለ ዘ ሊትል ሞስኮ ወይንም ሀርብን ተብላ ትጠራለች፡፡
ይህች ስመ ብዙ የሆነች የሀይሎንግጂን ግዛት ዋና ከተማ ለሰሜን ምስራቅ ቻይና የፖሊቲካ፤ የኢኮኖሚ እንዲሁም የባህል ማዕከል ናት፡፡
በቀደመ ጊዜ ማንቹ የሚል ስያሜም የነበራት ሀርቢን ለመጀመሪያ ጊዜ የተገኘችው እንደ አውሮፓውያኑ አቆጣጠር በ1898 የቻይናን ምስራቃዊ የባቡር መስመር ለመገንባት ወደ ስፍራው በተጓዙ የሩሲያ ሰዎች ነበር ይላል ታሪኳ፡፡
ከሩሲያ ግዛት በመጡ በርካታ ስደተኞች አማካኝነት መሰረተ ልማቶቿ በመገንባቱ ከሩሲያዋ መዲና ሞስኮ ጋር ተመሳሳይ የሆኑ የግንባታ ውጤቶች በብዛት ይስተዋሉባታል ለዚህ ነው ዛሬም ድረስ ትንሿ ሞስኮ እያሉ የሚጠሯት፡፡

እንደ አውሮፓውያኑ አቆጣጠር በ1920ዎቹ የቻይና የፋሽን ከተማ ሆና ታገለግል ነበር፡፡
በ2021 ተደረገ የህዝብ ቆጠራ 10 ሚሊዮን የሚሆኑ ሰዎች በከተማይቱ እንደሚኖሩ የሀገሪቱ ስታትስቲክስ ተቋም ያወጣው መረጃ ያሳያል፡፡
ሀርብን በየአመቱ በርካታ ጎብኚዎችን የምታስተናግድ ሲሆን በተለይም የቻይናዎቹ አዲስ አመት በሚቀራረብበት ወቅት በሚሊዮን የሚቆጠሩ ቱሪስቶች ወደ ስፍራው ያቀናሉ፡፡
በክረምት ወቅት በከተማይቱ የሚስተዋለው ያለማቋረጥ የሚዘንበው በረዶ ከተማይቱን ዘ ኮሎደስት ሲቲ የሚል መጠሪያ አሰጥቷታል፡፡
የክረምት ወቅቷን ተከትሎ ከጥር 5 ጀምሮ የሚዘጋጀው የሀርብን በረዶ ፌስቲቫልን ጨምሮ ሌሎች በሀገሪቱ የሚጎበኙ በርካታ ስፍራዎች በውስጡ ይዟል፡፡
የቅድስት ሶፊያ ካቴድራል ቤተክርስቲያን ይህ ስፍራ እንደ አውሮፓውያኑ አቆጣጠር በ1907 የተገነባ ሲሆን በቻይና ውስጥ ከሚገኙት የኦርቶዶክስ አብያተ ክርስትያናት ግዙፉ ነው፡፡ በየአመቱም ወደ ሀርቢን ከሚያቀኑ ጎብኚዎች በሚሊዩን የሚቆጠሩትም ጎብኚዎች ቤተክርስቲያኑን ይጎበኙታል፡፡
ዞንግያንግ ጎዳና 1450 ሜትር ርዝማኔ አለው፣ ጎዳናው በእስያ ውስጥ ከሚገኙ ረዥም እና በኮብል የተገነባ ብቸኛው ጎዳና ነው፤በ18ኛው ክፍለ ዘመን ከተማዋ በከፊል በሩሲያ በቀኝ ግዛት ስር በነበረችበት ወቅት የተገነባ ነው፡፡ በጎዳናው ዳር እና ዳር የተገነቡ ኪነህንጻች ለአይን እጅግ ማራኪ ናቸው፡፡

ከዛም ባሻገር የከተማይቱ መለያ በሆነው በረዶ የተገነቡ የተለያዩ ቅርጻ ቅርጾች የብዙዎችን ቀልብ የሚስቡ ናቸው፡፡
በሀርቢን ከሚገኙ ስመ ጥር እንዲሁም በርካታቶች በተደጋጋሚ ከሚጎበኟቸው ስፍራዎች መካከል አንዱ ዛዮሊን ፓርክ ነው፤ ይህ የሀገሪቱን የበረዶ ወቅቶች ጠብቆ የሚገነቡ የተለያዩ ቅርጻ ቅርፆች፤ በቀለማት የተዋቡ ስብስቦች ማሳያ ነው፤ ዘ ሀርቢን አይስ ፌስቲቫል ከጥር እስከ የቻይና አዲስ አመት የካቲት የሚቆየው እና በብዙዎች የሚጎበኝ ስፍራ ነው፡፡
ዩኒት 731 ሙዚየም ነው፤ ሳይቤሪያን ታይገር ፓርክ፤ ሰን አይስ ላንድ ፤ ያቡሊ ስኪ ሪዞርት፤ ላኦዳዊ ዲስትሪክት እና ሌሎችም በሀርቢን ደስታን ከሚጎናጽፉ መዳረሻዎች መካከል የሚጠቀሱ ናቸው፡፡
ይህቺን ትንሽ የቻይና ከተማ በተለይም የበረዶውን ወቅት ታኮ ከ3 ሚሊዮን በላይ ጎብኚዎች የሚጎበኟት ሲሆን ከ 5 ቢሊዮን ዩአን ወይንም 830 ሚሊዮን ዶላር ገቢ ያስገባል፡፡
በ- የአብስራ ሚሊዮን












