ከዓለማችን የተለያዩ አቅጣጫዎች እጅን በአፍ የሚያስጭኑ የተለየ አፈጣጠር ያላቸው ሰዎችን እንመለከታለን፡፡ ከኢንዶኔዢያ የተሰማው የቤተሰቡ ታሪክ ደግሞ ብዙዎችን አስገርሟል፡፡
ነገሩ ወዲህ ነው በኢንዶኔዢያ ሰሜናዊ ክፍል ሱማትራ በተባለች ትንሽ መንደር የሚኖረው የሞኖሮንግ ቤተሰብ ከተለመደው የሰውልጅ መልክ ወጣ ያለ የፊት አፈጣጠር ጋር የሚኖር ነው፡፡
ከሞኖሮንግ ቤተሰብ 6 ልጆች 4ቱ የፊታቸው ቅርጻቸው ያልተለመደ እና ወጣ ያለ መሆኑን የተመለከቱ በርካቶች እንደ ቤተሰብ እርግማን ቆጥረውት ያውቃሉ፡፡
እናታቸው የተለመደ አይነት መልክ ቢኖራትም አባታቸው ልጆቹ ላይ እንደተስተዋለው የፊት ገጽታ እንደነበረው እና ይህም በልጆቹ ላይ እንደታየ ዶክተሮች ይናገራሉ፡፡
ከቤተሰቡ መካከል የተለመደ አፈጣጠር ያላት እህታቸው ስለቤተሰባቸው ስትናገር ‹‹በልጅነቴ ከወንድም እና እህቶቼ ለምን እኔ የተለየ መልክ ኖረኝ ብዬ አስብ ነበር ፤እያደኩ ስመጣ ግን ወንድም እና እህቶቼ ከዘር የተወረሰ የተለየ አፈጣጠር እንዳላቸው ተረዳሁትላለች፡፡
የማኑሩንግ ቤተሰብን ያጠቃው በሽታ ‹‹ትሬቸር ኮሊንስ ሲንድሮም›› ተብሎ የሚጠራ የጭንቅላት እድገትን የሚጎዳ የጄኔቲክ በሽታ ሲሆን፣ የፊት ቅርጽን የሚለውጥ እና ለሌሎች የጤና እክሎች የሚያጋልጥ ነው፡፡

በሽታው የራስ ቅል፣ ጉንጭ እና የመንጋጋ አጥንቶች በአግባቡ እንዳይዳብሩ በማድረግ ያልተለበደ አይነት የፊት ገጽታን የሚያላብስ ነው፡፡ ሙሉ ለሙሉ ህክምና ባይገኛለትም አንዳንድ ቀዶ ጥገናዎች ሊቀንሱት እና ሊያሻሽሉት እንደሚችሎ ዶክተሮች ይናገራል፡፡
የቤተሰብ አባላቱ እንግዳ የሆነው ክስተት ለማጥራት ወደ ዶክተሮች ሲያቀኑ፣ አፈጣጠራቸው ከቤተሰብ የተወረሰ መነሻ እንዳለው ሆኖም ለህይወታቸው እንደማያሰጋቸው እንደነገራቸው ይናገራሉ፡፡
የቤተሰቡ ታላቅ ልጅን ጨምሮ 3ት እህቶቹን ያጠቃው የሲንድሮም በሽታ ካለእድሜያቸው ፊታቸው እንዲሸበሸብ እና የስሜት ህዋሶቻቻው ምጣኔ ከተለመደው በተለየ እንዲሁን አድርጓል፡፡ የቤተሰብ አባላቱ በመንደሩ የታወቀ ቢሆንም ወደሌላ አካባቢ ስናቀና እንግዳ እይታዎች እንደሚያስተናግዱ ይናገራሉ፡፡
የቤቱ ብቸኛ ወንድ ልጅ ሲናገር ‹‹ በመንደራችን ከአንድ ሰፈር ወደሌላ ሰፈር ስንንቀሳቀስ ምንም ችግር አይገጥመንም፤የሚያሽሟጥጠንም ይሁን የሚሳሳቅብን ሰው የለም፤ ነገር ግር ከመንደሩ ወጣ ካልን እና ከዚህ በፊት አይተውን የማያውቁ ሰዎች ሲመለከቱን በጣም ይደነግጣሉ ››
ፊቴ ከእህቴ ፊት ፍጹም ይለያል፡፡እሷን ተመልከቷት በጣም በብዙ ነገር እህቴ እስከማትመስል ድረስ እንለያያለን››
ወንድም እና እህቴቼን ስመለከታቸው በጣም ውር ይለኛል ለምን የፊት ገጽታቸው እንደኔ አይደለም እላለሁ፡፡ እኔ ያለየትኛውም መገለል ከሰዎች ጋር እኖራለው ለእነሱ ግን ከአንዳንድ ሰዎች መሳለቆች ይሰነዘርባቸዋል እና በዚያ እነሱ ሲከፉ እኔም እንደእህት በጣም ይከፋኛል፡፡››
ነገር ግን ቤተሰቡ በብዙዎች የሚሰነዘርበትን የማሸማቀቅ ቃላት ችላ በማለት፣ ህይወቱን በሚያስደስቱ ነገሮች ለማሳለፍ ይታትራል፡፡
እውነቱ የፊታችን ቅርጽና ገፅታ ፍጹም የተለየ መሆኑ ነው፡፡ ነገር ግን ተፈጥሮአችንን ከፈጣሪ የተሰጠን በመሆኑ በጸጋ ተቀብለነው ህይወታችንን በደስታ ለማሳለፍ እንጥራለን፡፡ እናም አማራሪ አመስጋኝ እንጂ አማራሪ አይደለንም››
የሞኖሮንግ ቤተሰብ እራሱን መሸሸግ እና ማሸማቀቅ ውስጥ አልከተተም ይልቁንም በራስ መተማመን ሌሎች በአፈጣጠራቸው ምክንያት ለሚሸማቀቁ ሰዎች ትምህርት ለመሆን በከፈተው የቲክቶክ አካውንት በሚለቋቸው ቪዲዮዎች ዝነኛ መሆን ችለዋል፡፡
በርካቶች አውንታዊ አመለካከታቸውን ችረዋቸዋል፡፡ አሁን ላየ በተፈጥሮዋቸው ሳይሸማቀቁ በአደባባይ ከመውጣት እውቅ ቲክቶከሮች መካከልም ስማቸው በጉልህ ይነሳል፡፡












