አዲስ አበባ | መጋቢት 17፣ 2016| NBC ETHIOPIA -የኢትዮጵያ ንግድ ባንክ ፕሬዚዳንት አቶ አቤ ሳኖ ዛሬ በሰጡት መግለጫ፥ባንኩ ከዲጂታል ስርዓት አሰራር ላይ አጋጥሞት ከነበረው ችግር ጋር ተያይዞ 801 ሚሊየን 417 ሺ 746 ነጥብ 81 ብር ሊመዘበር እንደነበረ አስታውቀዋል።
በእለቱ 25ሺ 761 ደንበኞች ያልተገባ ግብይት ማድረጋቸውን የገለጹት የባንኩ ፕሬዝዳንት፥ የግብይት ቁጥሩ 238ሺ 293 መሆኑንም ተናግረዋል።
ያልተገባ ጥቅም ለማግኘት የተሳተፉ ግለሰቦችን ለመለየት በተደረገ የሒሳብ ልየታ 15ሺ 8 ያህል ሂሳብ ቁጥሮች መገኘታቸውም ተገልጿል።
በጉዳዩ ላይ ከተሳተፉ አካላት 9ሺ 281 የወሰዱትን ገንዘብ የመለሱ መሆናቸውንም ባንኩ ገልጿል።

እስከ ትላንት ማታ ሊጠፋ ከነበረው ገንዘብ 372 ነጥብ 4 ሚሊየን መሰብሰብ መቻሉንና በአጠቃላይ 623 ሚሊየን መሰብሰብ ተችሏልም ብሏል ባንኩ።
እስካሁን በተደረጉ ጥረቶች 78 በመቶው መሰብሰቡንም ባንኩ አስታውቋል።
አጠቃላይ የተፈጠረውን ችግር በተመለከተ ችግሩ በተናጥል የቱ ጋር ነው የሚለው እየተመረመረ መሆኑንም የባንኩ ፕሬዝዳንት አቤ ሳኖ ተናግረዋል።
መጋቢት 7 ቀን 2016 ዓ.ም በኢትዮጵያ ንግድ ባንክ ላይ ያጋጠመው ችግር ከሲስተም ማሻሻያ ትግበራ ጋር የተያያዘ እንጂ የሳይበር ጥቃት አለመሆኑን የኢንፎርሜሽን መረብ ደኅንነት አሥተዳደር ከቀናት በፊት ማሳወቁ ይታወሳል።
በ-ሰላማዊት ወንዶሰን
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Facebook -https://www.facebook.com/ethiopiannbc
Telegram-https://t.me/nbcethiopiatv












