
አዲስ አበባ ሐምሌ 4 ፤ 2015 | NBC ETHIOPIA- የኢንዲስትሪ ፓርኮች ልማት ኮርፖሬሽን በቦሌ ለሚ ኢንዱስትሪያል ፓርክ ያስገነባቸውን ዘመናዊ የህፃናት ማቆያ ማዕከላት እና የሰራተኞች ህብረት ስራ ማህበራት ሱቆችን አስመርቆ ስራ ማስጀመሩን አስታወቀ።
በ2009 ዓ.ም የተመሰረተው የቦሌ ለሚ ኢንዲስትሪ ፓርክ ከ24ሺ በላይ ለሚሆኑ ዜጎች የስራ እድል የፈጠረ ሲሆን ከነዚህም መካከል 95 በመቶ የሚሆኑት ሴቶች እና ወጣቶች መሆናቸውን የኢንዱስትሪ ፓርኩ ዋና ስራ አሰኪያጅ ትንሳኤ ይማም ተናግረዋል።
በዕለቱ የተመረቁ እና ለአገልግሎት ክፍት የሆኑት ማዕከላት በተለይም በፓርኩ ውስጥ የሚሰሩ እናቶች የልጆቻቸው ደህንነት ተጠብቆ ስራቸውን ማከናወን እንዲችሉ እና በዕለት ተዕለት ኑሯቸው የሚጠቀሙባቸውን ፍጆታዎች በመጠነኛ ዋጋ እንዲያገኙ ያስችላቸዋል ተብሏል።


በዕለቱ የተመረቁ እና ለአገልግሎት ክፍት የሆኑት ማዕከላት በተለይም በፓርኩ ውስጥ የሚሰሩ እናቶች የልጆቻቸው ደህንነት ተጠብቆ ስራቸውን ማከናወን እንዲችሉ እና በዕለት ተዕለት ኑሯቸው የሚጠቀሙባቸውን ፍጆታዎች በመጠነኛ ዋጋ እንዲያገኙ ያስችላቸዋል ተብሏል።
የህፃናት ማዕከሉ ከ150 በላይ ህፃናትን ማስተናገድ የሚችል ሲሆን ደረጃውን በጠበቀ እና ለህፃናቱ አስፈላጊ ግብአቶችን አሟልቶ የተገነባ እንደሆነም ታውቋል።
በቀጣይም በሁሉም የኢንዱስትሪ ፓርኮች መሰል ማዕከላትን ለመገንባት ስራዎች እየተከናወኑ መሆኑን ዋና ስራ አሰኪያጁ ገልፀዋል።
በሀሴት ሀይሉ
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia









