፨ ፨ ፨ ፨ ፨ ፨ ፨ ፨ ፨ ፨
አዲስ አበባ | ነሐሴ 22 2016| NBC ETHIOPIA- የኢትዮጵያ ቀይ መስቀል ማህበር በደብረብርሃን ከተማ ባቄሎ መጠለያ ካምፕ ለሚገኙ ተፈናቃዮች 2 ነጥብ 1 ሚሊየን ብር ግምት ያለው የምግብ ድጋፍ አደረገ፡፡
በኢትዮጵያ ቀይመስቀል ማህበር የሰሜን ሸዋ ዞን ቅርንጫፍ ጽ/ቤት ኃላፊ አቶ ዳምጠው እምሻው እንደገለጹት በተፈጥሮና በሰው ሰራሽ አደጋ ተፈናቅለው በደብረብርሃን ከተማና በሰሜን ሸዋ ዞን ለሚገኙ ተፈናቃዮች የኢትዮጵያ ቀይ መስቀል ማህበር ምግብ ነክና ምግብ ነክ ያልሆኑ ቁሳቁሶችን ድጋፍ እያደረገ እንደሚገኝ አስታውቀዋል፡፡ ከዚህ በተጨማሪ ለከተማውና ለዙኑ ጤና ተቋማት የህክምና መሳሪያዎችና መድሃኒቶች ድጋፍ ማድረጋቸውን አስታውሰዋል።
በዚህ ዙር በደብረብርሃን ከተማ ባቄሎ መጠለያ ካምፕ ለሚገኙ 800 የቤተሰብ ኃላፊዎች 2 ነጥብ 1 ሚሊየን ብር ግምት ያለው 80 ኩንታል ምጥን ሹሮና 360 ካርቶን ክኖር ድጋፍ ማድረጋቸውን አስረድተዋል፡፡

በካምፑ ውስጥ ካሉት ተፈናቃዮች ብዛት አንፃር የተደረገው ድጋፍ በቂ አለመሆኑን አንሰተው ችግሩን ለመከላከል ግብረሰናይ ድርጅቶች፣ተቋማትና ህብረተሰቡ ድጋፍ ሊያደርግላቸው እንደሚገባ መልዕክት አስተላልፈዋል፡፡
በኢትዮጵያ ቀይ መስቀል ማህበር የሰሜን ሸዋ ዞን ቀይ መስቀል የቦርድ ሰብሳቢና የደብረብርሃን ዩኒቨርሲቲ መምህር ደረጀ አንዳርጌ(ዶ/ር) በበኩላቸው እንደገለጹት ማህበራቸው በተለያየ ምክንያት ጉዳት ለደረሰባቸው ወገኖች ምግብና ምግብነክ ያልሆኑ ነገሮችን በጥንቃቄ ለተጎጂዎች እያደረሰ እንደሚገኝ አንስረድተዋል፡፡

ቀይመስቀል በማህበረሰቡም ሆነ በረጂ ድርጅቶች ዕምነት የሚጣልበት በመሆኑ ቦርዱ የተለጠጠ ዕቅድ አዘጋጅቶና ከአጋር አካላት ጋር ተባብሮ ለተጎጂዎች ለመድረስ የበኩሉን አስተዋጽኦ እያበረከተ እንደሚገኝ አብራተዋል።ችግሩ ውስብስብ ስለሆነ አለም አቀፍና ሀገር አቀፍ ድርጅቶች እንዲሁም ህብረተሰቡ ለተጎጂዎች ድጋፍ ሊያደርጉላቸው እንደሚገባ አመልክተዋል።
ቀይመስቀል ከፖለቲካ፣ከሀይማኖት፣ከዘር ነፃ፣ገለልተኛና ሰብዓዊነትን ያማከለ አገልግሎት የማሰጥ መሆኑን ጠቅሰው ብዙዎችን ተደራሽ ለማድረግ ሁሉም ሰው የማህበሩ አባል በመሆን የድርሻውን ኃላፊነት እንዲወጣ ጥሪ አቅርበዋል።ድጋፍ ከተደረገላቸው መካከል አቶ ይርጋ ፋንታው እና ወይዘሮ እጂጌ ሞገስ በሰጡት አስተያየት በመጠለያ ውስጥ ሲኖሩ የሚደርስባቸው ችግር ብዙ መሆኑን አንስተዋል።በተለይም የምግብና የአልባሳት ችግሩ የከፋ መሆኑን አስረድተዋል።ቀይ መስቀል በዚህ ጊዜ ችግራቸውን ተረድቶ ላደረገአላቸው ድጋፍ አመስግነዋል። ይህ ወቅት እስኪያልፍ ድረስ ሌሎች አካላትም ድጋፍ እንዲያደርጉላቸው ተማጽነዋል ዘገባው የአማራ ኮሙኒኬሽን ነው፡፡
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Facebook -https://www.facebook.com/ethiopiannbc
Telegram-https://t.me/nbcethiopiatv












