፨ ፨ ፨ ፨ ፨ ፨
አዲስ አበባ | ሐምሌ 15 2016| NBC ETHIOPIA-“የምትተክል ሀገር፣ የሚያፀና ትውልድ” በሚል መሪ ቃል በደብረ ማርቆስ ከተማ የከተማዋ ነዋሪዎችና የመንግስት የስራ ሃላፊዎች የተሳተፉበት የአረንጓዴ አሻራ የችግኝ ተከላ የማስጀመሪያ ፕሮግራም ተካሂዷል።
የደብረ ማርቆስ ከተማ አስተዳደር ግብርና መምሪያ ተወካይ ሃላፊ አቶ ሀብታሙ ሽመልስ በዘንድርው የአረንጓዴ አሻራ የችግኝ ተከላ ፕሮግራም በከተማ አስተዳደር ደረጃ በ374.8 ሄክታር መሬት ላይ 8 ሚሊየን 984ሺ 199 የደንና የፍራፍሬ ችግኞችን ለመትከል ታቅዶ ወደ ስራ መገባቱን ገልፀዋል።

የደብረ ማርቆስ ከተማ አስተዳደር ከንቲባ አቶ መንበሩ ዘውዴ እንደሀገር የተጀመረውን የአረንጓዴ አሻራ የችግኝ ተከላ መርሀ-ግብር በአለም አቀፍ ደረጃ እውቅና እንድታገኝ ያደረገ ነው ያሉ ሲሆን በከተማችንም ባለፉት ዓመታት ያካሄድነው የችግኝ ተከላ ከፍተኛ ውጤት የተገኘበት ነው ብለዋል።

ከንቲባው በክልላችን ብሎም በከተማችን እየመጣ ያለው የሰላም ሁኔታ ተጠናክሮ እንዲቀጥል ከማድርግ አንፃር የችግኝ ተከላ ስራችን ትርጉም አለው እንደ ሀገርና እንደ ክልል ጥላቻና ልዩነትን ነቅለን ሰላምና አንድነትን የምንተክልበት ጊዜ ላይ እንገኛለን ብለዋል።
YouTube – https://www.youtube.com/@NBCEthiopiaSC
TikTok – https://www.tiktok.com/@nbcethiopia
Facebook -https://www.facebook.com/ethiopiannbc
Telegram-https://t.me/nbcethiopiatv












