፨ ፨ ፨ ፨ ፨
አዲስ አበባ | ሰኔ 04 2016| NBC ETHIOPIA- የምስራቅ ጎጃምና የደብረማርቆስ ከተማ አስተዳደር አመራሮች ከፌደራልና የክልል አመራሮች ጋር በደብረማርቆስ ከተማ ዉይይት እያካሄዱ ነዉ።
በመድረኩ ላለፉት አስር ወራት የተከናወኑ ወቅታዊ የሰላም ግንባታ ፣ የልማትና የመልካም አስተዳደር ጉዳይ የተከናወኑ ተግባራትን በመገምገም በቀጣይ በሚከናወኑ ተግባራት ዙሪያ ይመክራሉ ።

በዉይይት መድረኩ በምክትል ርዕሰ መስተዳድር ማዕረግ የገጠር ዘርፍ አሥተባባሪ እና የአማራ ክልል ግብርና ቢሮ ኀላፊ ድረስ ሳህሉ (ዶ.ር.)፣ በተከበሩ አቶ አስቻለ አላምሬ የህዝብ ተወካዮች ም/ቤት የንግድና ቱሪዝም ልማት ቋሚ ኮሚቴ ም/ሰብሳቢ፣ የምስራቅ ጎጃም ዞን ኮማንድ ፖስት ሠብሳቢ፣ የተከበሩ አቶ ከፋለ ሙላቴ በአማራ ክልል ምክር ቤት የአካባቢ ጥበቃና ዉሃ ሃብት ቋሚ ኮሚቴ ሰብሳቢ፣ የምስራቅ ጎጃም ዞን ዋና አስተዳዳሪ የተከበሩ አቶ ኑርልኝ ብርሃኑ፣ የተከበሩ አቶ መንበሩ ዘዉዴ የደብረማርቆስ ከተማ ከንቲባ፣ የክልልና የምስራቅ ጎጃም ዞንና የደብረማርቆስ ከተማ ከፍተኛ አመራሮች፣ የወረዳና የክፍለ ከተማ አስተዳደር አመራሮች ተሳትፈዋል።
የክልልና የዞን አመራሮች ሰሞኑን ከደብረወርቅ፣ እናርጅ እናዉጋ፣ ብቸና፣ እነማይ፣ ደጀንከተማ፣ ደጀን ወረዳ፣ አዋበልና ሉማሜ ከተማ ነዋሪ ተወካዮች መወያየታቸዉ ይታወሳል።
????YouTube – https://www.youtube.com/@NBCETHIOPIA
???? TikTok – https://www.tiktok.com/@nbcethiopia
????Website – https://nbcethiopia.com/news/
????Telegram-https://t.me/nbcethiopiatv
#NBC_ETHIOPIA
#ሆኖ_መገኘት












