፨ ፨ ፨ ፨ ፨
አዲስ አበባ | ሚያዚያ 08 2016| NBC ETHIOPIA-የእስራኤል እና የኢራን ግንኙነት በአራት የወዳጅነትና የጠላት ድብልቅልቅ ስሜቶች ምዕራፍ ውስጥ ያልፋል፡፡ ከ1947 እስከ 53 ግራ አጋቢ ግንኙነት ፤ ከ1953 እስከ 1979 የወዳጅነት፤ከ1979 እስከ 1990 ከኢራን አብዮት በኋላ ዳግም የፀብ ስሜት፤ከገልፍ ጦርነት በኋላ በሚል የ4 ምዕራፍ ግንኙነትን መለየት ለዛሬው ውጥረት መንስዔ መሆኑን ለማወቅ ያግዛል፡፡
ግዙፍ የጋራ ነዳጅ መሰመር የገነቡ ፤የአረብ ስጋት ያለባቸው፤ ጥምረት የፈጠሩ፤የንግድ አጋር የነበሩ ፤በቴህራን እስራኤል ዲፋክቶ ኤምባሲ የከፈተች፤ጎረቤቶቻችን ሁሉ ጠላት ናቸው አብረን እንስራ ያሉ ነበሩ አያቶላዎቹ እና ዴቪድ ቤንጎሪያውያኑ፡፡ ዛሬ ምን ነካቸው ባይባልም ፡፡
ምዕራባውያኑ ካላቸው የመካከለኛው ምስራቅ ፖሊሲ አንጻር ከእስራኤል ጎን በተለምዶ ምስራቅ ዘመም ሀይሎች ከኢራን ጎን ሆነው ውጥረቱን ዛሬ ላይ አድርሰውታል ፡፡
ምንም እንኳን እስራኤልና ኢራን በሻህ ዘመን ግንኙነታቸው መልካም ፤በአንድ ጥምረት ውስጥም አረብ ጠል ፖለሲ ሲያራምዱ ቢቆዩም በ1947 ኢራን የብሪታንያ ሞግዚት አስተዳደር ሲጠናቀቅ የተከፋፈለ ግዛት አይመስረት በሚል ውሳኔውን ከተቃወሙ 13 አገራት መካከል ነበረች፡፡ ከ2 ዓመታት በኋላም እስራኤል በመንግስታቱ ድርጅት ውስጥ እንዳትካተት እንዲሁ ቴህራን ድመጽ ሰጥታለች ፡፡

በእርግጥ ፖለቲካ ነውና በመካከለኛው ምስራቅ ቁጥር አንድ እስራኤልን የሀገርነት እውቅና ውዲያውኑ የሰጠችው ራሷ ኢራን ናት ፡፡ አብዛኛው ሙስሊም ከሆነባቸው አገራት ከቱርክ ቀጥሎም ኢራን እንዲሁ ለእስራኤል እውቅና የሰጠች ናት፡፡
አያቶላህ አሊ ሆሚኒ ከስደት ተመልስው እስላማዊት ኢራንን ከመሰረቱ በኋላ የአገራቱ ግንኙነት ፤ሚሳኤልን ማን ቀድሞ ያስወንጭፍ አይነት ሆኖ አረፈው እንጂ ፡፡ በ2010 የሣይበር ጥቃት በስታክስኔት የኮምፒዩተር ቫይረስ ዩራኒዬም ማበልጸግ የሚያስችላትን የኢራን መረጃ ማውደሟ፤ናትንዝ ላይም ጫና መፍጠሯ ፤ቫይረሱም በእስራኤል እና በአሜሪካ የተፈጠረ ነው መባሉ፤በ2012 ፍሌም በተሰኘው ቫይረስ እስራኤል የመንግስት አስተዳደር ኮምፒዩተርን ኢላማ ማድረጓ ፤ መረጃ ወስዳለች መባሉ፤ከ2010 እስከ 2020 5 የኢራን የኒክሌር ሳይንቲስቶችን እስራኤል መግደሏ፤በ2018 የእስራኤሉ ሞሳድ በአስር ሺዎች የሚቆጠሩ ሰነዶችን ሰብሮ መውሰዱ በተመሳሰይ ኢራን ሃማስን፣ሁቲዎችን፣በኢራቅየሚንቀሳቀሱ ሄሎችን ፣ሄዝቦላህን፣ካታኢብ ሄዝቦላህን እና የሶሪያን መንግስት በመደገፍ በእስራኤል ላይ ጫና መፍጠሯ ዛሬ ሁለቱ ሀይሎች ወደ ጦር መማዘዛቸው አስደናቂ አይሆንም ፡፡
እስራኤል ጥፋተኛ ፤ኢራን ልክ፤ኢራን ወንጀለኛ ፤እስራኤል ጤነኛ የሚል ድምዳሜ የለውም፡፡ ሁለቱም የትንኮሳ ፖለቲካ ውስጥ ቆይተውበታል፡፡
በዚህ ፍጥነት ቴህራን እና ቴል አቪቭ ጦርነት ውስጥ ይገባሉ ባይባልም ገና ኢራን ያስወነጨፈቻቸው ሚሳዔሎች እስራኤል ሳይደርሱ መዘዙ ዓለም አቀፋዊ መሆኑ ታውቂ ነበር ፡፡
ኢራን እስራኤል ላይ ከ300 በላይ ሚሳዔሎችና የሰው አልባ አውሮፕላኖች ጥቃት እንዲፈጽሙ ማድረጓ፤በታረክ በአንድ ምሽት ይህን ያህል ቁጥር ያለው የሠው አልባ አውሮፕላን ጥቃት ሲሰነዘር የመጀመሪያው ነው፡፡ አያቶላዎቹም ከእጅ አዙር ጦርነት ባሻገር ፅዪናውያኑ ላይ ቀጥታ ጥቃት ሲሰነዝሩ እንዲሁ ፡፡

የመጀመሪያው የቀጥታ ትንኮሳ የዓለም ሶስተኛው ጦርነት ማስጀመሪያ ይሆናል ቢባልም ለጊዜው አገራት ቆም ብለው እያሰቡ ናቸው፡፡
የእስራኤል የጦር ካቢኔ አጸፋዊ ምላሽ በመስጠት ላይ ስምምነት ላይ ደርሶ ግን እንዴት ፣በምን ያህል ምጣኔና፤መቼ የሚለው ላይ መለያየታቸው ቢሰማም በመረጥንው ጊዜ ግን እናደርገዋልን የጦር ካቢኔ አባሉ ቤኒ ጋንትዝ ፡፡
ውጥረቱ ዓለም አቀፋዊነቱ ግልጽ ሁለቱም ሀይሎች ከመታኮስ ወደኋላ እንደማይሉ ያሳያል፡፡ አሜሪካ ከእስራኤል ጋር በግልጽ ግንባር ፈጥራ ኢራንን ታጠቃለች የሚሉ ትንታኔዎች ቢወጡም ባይደን ነገሮች እንዲባባሱ እና መካከለኛው ምስራቅ ቀውስ ውስጥ እንዲገባ አይፈልጉም ፤እናም ጥምረት አንፈጥርም ብለዋል፡፡ ያ ማለት ግን እስራኤል ድጋፍ አይደረግላትም ማለት አይደለም፡፡
ጥያቄው ሩሲያ በቴራን ፤አሜሪካ በቴል አቪቭ ላይ የሚጨክን ልብ አላቸው ወይ የሚለውም የራሱን ምላሽ ይሻል ፡፡
በዚህ ውጥረት ጎራ የለዩ አገራት ቆም ብለው ካላሰቡ የዛሬ ፖለቲከኞች ዓለምን የማትወጣው ቀውስ ውስጥ ያስገቧታል ተብሏል ፡፡ የመንግስታቱ ድርጅት ዋና ጸሃፊ ጉቴሬዝ መካከለኛው ምስራቅም ዓለምም ሌላ ጦርነትን መሸክም አይችሉም ማለታቸው ይህኑ ያሳያል ፡፡ መካከለኛው ምስራቅ የክፍፍል ጫፍ ላይ ነውም ብለዋል ፡፡
ታዲያኬኒያ፣ናይጄሪያ፣ቻይና፣ሩሲያ፣አረብኤሚሬቶች፣ግብጽ፣ሳውዲ፣ቱርክ፣አሜሪካ፣ብሪታንያ እና መሰል አገራት ውጥረቱን ከማጋጋል ሁለቱም ሀይሎች ይቆጠቡ ማለታቸው መጠፋፋቱ እንዳሳሰባቸው አማላከች ነው፡፡ ዛሬ ይሄኛው ከዚህኛው ጋር ይሰለፋል የሚሉ ፖለቲከኞች ለዓለም ተጨማሪ ስጋትን እያመጡ እንጂ ለመፍትሔ እየሠሩ አይደልም በሚልም የሚተቹት ለዚህ ነው፡፡
በሶሪያ ደማስቆ ለደረሰብኝ ጥቃት ምላሽ ዘመቻዬን ተጠናቋል ኢራን ካለች፤ ከእስራኤል በኩልም እኛም አጸፋዊ ምላሽ አለን አሉ ፤እና ማን መፍትሔ ያመጣል የሚል ትንታኔም ይሰጣል፡፡በእርግጥ የዜናዎቹ ሁሉ ማጠኝጠኛዎች እስራኤል ምላሿ ምን ይሆናል የሚለው ነው ፡፡

ኢራን እውነተኛ ቃል (true promise) በሚል ስም የከፈተችው ዘመቻ ነው፡፡ የእውነት ቃል ዘመቻ ስያሜው የተሰጠው አያቶላህ አሊ ሃሚኒ እስራኤል ትቀጣለች ያሉበትን ንግግራቸውን ገቢራዊ ማድረግ ትርጓሜ ይሰጠዋል ፡፡ ጊዜ የሚመልሰው በርካታ ጉዳይ ቢኖርም የኔታንያሁ እና የራይሲ ሀይሎች ፍጥጫ ግን ከግማሽ ክፍለ ዘመን በኋላ ታይቶ የማይታወቅ ነው ፡፡
የእስራኤል ጦር ካቢኔ በጋዛው ጦርነት የሚያሳልፋቸውን ውሳኔ ግምት ውስጥ ማስገባት በኢራን ላይ ምላሽ ላይኖር ይችላል ብሎ ማሰብ አዳጋች ነው፡፡ በእስራኤል ትምህርት ቤቶች መከፈታቸው ፤የቴህራን አውሮፕላን ማረፊያ መክፈት ለጊዜውም የሠላም አየር እንዳለ ቢያመላክትም ስጋቱ ግን ከትናንትና አይለይም ፡፡ጠቅላይ ሚኒስትር ኔታንያሁ አሜሪካን ወደ ጦርነቱ ለማስገባትና ውጥረቱን ቀጣዊ በማድረግ የጋዛውን የቤት ስራቸውን የመጨረስ ሀሳብ አላቸው ኢራን ልታሳካላቸውም ነውተብሏል ፡፡
የዒራን ሻሂድ ሰው አልባ አውሮፕላኖች በተላይም ሻኂድ -136 kamikaze 50 ኪ.ግ የጥይት አረሮችን የሚሸከም፤ሻሂድ 238 ድሮኖች ጥቅም ላይ ውለዋል ፡፡እስከ 6መቶ ኪሎ ሜትሮች በሰዓት የመጓዝ አቅም አላቸው ፡፡ በዚህ ውጥረት መሃል በጋዛያለው ሰቆቃ ግን ዛሬም በርትቶ ውሏል ፡፡
በ-ቢኒያም ካሴ












