NBC Ethiopia
December 22, 2025
ሀሉም ሴክተር መ/ቤቶች ሰላምን እንደ አማራጭ ማየት እንደሚገባቸዉ የሰላም ሚኒስቴር አስታወቀ።ተቋማት አካታች ሰላምን ወደ ተግባር በመዉሰድ የትግበራቸዉና የዕቅዳቸው አካል ሊያደርጉ እንደሚገባ ተመላክቷል።
ሚኒስቴር መስሪያ ቤቱ ከህዝብ ተወካዮች ምክር ቤት ጋር በሰላም ጉዳይ እየመከረ ሲሆን ም/ቤቱ በሚተገብረዉ ሃገራዊ ሚና የሰላም ሂደት መኖሩን ሊያረጋግጥ እንደሚገባም ተገልጿል።

በምክክር መድረኩ የተገኙት የሰላም ሚኒስትር መሀመድ እድሪስ ሰላም በአንድ ተቋም ብቻ የሚመጣ ሳይሆን በሁሉም ግለሰቦች፣ ተቋማትና አደረጃጀቶች ውስጥ ያለ አንኳር ጉዳይ ስለመሆኑ አንስተዋል።
አክለዉም ሰላምን ተቋማዊ ማድረግ መፍትሄ አምጪ ስለመሆኑ ጠቅሰዉ በአገልግሎት አሰጣጥ፣ በመሰረተ ልማት ዝርጋታ ብሎም ከህብረተሰቡ ጋር ባለ መስተጋብር የሚገኝ ውጤት መሆኑንም አስገንዝበዋል።

እያንዳንዱ የመንግስት መዋቅሮች አገልግሎት ሲሰጡ የህዝብን ፍላጎትና ተጠቃሚነት መሰረት ማድረግ እንዳለባቸው ያመላከተዉ መድረኩ ተቋማት ሰላም ተኮር ዕቅዶችን በማካተት እንዲሁም አገልግሎት አሰጣጥን ለሰላም ግንባታ በሚያግዝ መልኩ መቅረፅ እንደሚገባ መድረኩ አሳይቷል።
በመድረኩ የህዝብ ተወካዮች ም/ቤት ምክትል አፈ ጉባኤ ሎሚ በዶ በበኩላቸዉ ሰላምን ማስፈን የእያንዳንዱ ማህበሰሰብና ሴክተር ሃላፊነት መሆኑን አስገንዝበዉ ም/ቤቱም ይህን በስፋት እንደሚቃኘዉ አመላክተዋል።

በተጨማሪም ም/ቤቱ በሚተገብረዉ ሚና ማለትም በህን አዉጪ ሚናዉ፣ ክትትል በማድረግ ሚናዉ፣ በበጀት ምደባ ሚናዉ፣ በተወካይነት ሚናዉ፣ ግጭትን በመከላከል ሚናዉ እንዲሁም ቀጠናዊና ዓለም አቀፍ ትብብርን በማጠናከር ሚናዉ የሠላም ሂደት መኖሩን ሊያረጋግጥ እንደሚገባ ጥሪ ቀርቧል።
በ-ማህሌት ግርማ












