የባርሴሎናው ተጫዋች ጋቪ ባጋጠመው ጉዳት ለ5 ወር ከሜዳ ይርቃል ተባለ።
ስፔናዊው አማካኝ በላሊጋው የመጀመሪያ ሁለት ጨዋታዎች ላይ ቢሰለፍም፤ ጉዳት ማስተናገዱን ተክትሎ ከቡድን ስብስብ መቀነሱ ይታወሳል። ባርሳ ተጫዋቹ ጉዳት ያስተናገደው ቁርጭምጭሚቱ ላይ እንደሆነ የገለጸ ሲሆን፤ ለ5 ወር ከሜዳ እንደሚርቅ አስታውቋል።
አስቀድሞ ጋቪ የገጠመው ጉዳት ኤሲ ኤል እንዳይሆን ተፈርቶ የነበረ ቢሆንም፤ ቀዶ ጥገና የሚፈልግ የቁርጭምጭሚት ጉዳት መሆኑ ታውቋል። ጋቪ በትንሽ እድሜው ለካታላኑ ክለብ ተሰልፎ በመጫወት 4ኛው ሲሆን፤ በ155 ጨዋታዎች ላይ ተሰልፎ 10 ግቦችን አስቆጥሯል።
ከታዳጊነቱ አንስቶ በርካታ ጨዋታዎች ላይ መሰለፉ ለጉዳት ተጋላጭ እንዳደረገው የሚያነሱት ተንታኞች፣በ2023 የ ኤሲ ኤል ጉዳት ገጥሞት 11 ወር ከሜዳ መራቁን ያስታውሉ። ባርሴሎና በላሊጋው ነገ ከሪያል ኦቪዬዶ የሚያደርገው ጨዋታ እንደተጠበቀ ሆኖ፤ በደረጃ ሰንጠረዥ በሪያል ማድሪድ በ5 ነጥብ ተበልጦ 2ኛ ላይ ተቀምጧል።
በ-አልፈሪድ ነስሮ












