የአውሮፓ እና የዩክሬን መሪዎች ወደ አሜሪካ ሊያቀኑ ነው።
ፕሬዚዳንት ቮሎድሚር ዘለንስኪን ጨምሮ የአውሮፓ መሪዎች ወደ ዋሽንግትውን ተጉዘው በሩሲያና ዩክሬን ጦርነት ዙሪያ ከፕሬዚዳንት ዶናልድ ትራምፕ ጋር ይመካከራሉ። ትራምፕ ከሩሲያው አቻቸው ቭላድሚር ፑቲን ጋር ከተወያዩ ከቀናት በኋላ ነው መሪዎቹ ወደ አሜሪካ ተጉዘው በጉዳዩ ላይ የሚወያዩት።
ዘለንስኪ እና የተለያዩ የአውሮፓ መሪዎች ሰኞ ዋሽንግተን ገብተው ሪፐብሊካኑን የማሳመን ስራ ሊከውኑ እንደሚችሉ ቅድመ ግምቶች አሉ።
የዶናልድ ትራምፕ ልዩ መልዕክተኛ ስቲቭ ዊትኮፍም ሩሲያ የተወሰነ የግዛት ልውውጥ ለማድረግ ተስማምታለች የሚል መረጃ ባጋሩበት ሰዓት ነው አውሮፓውያን ዘለንስኪን አግዘው ተደራዳሪ እስከመሆን ያላቸውን ፍላጎት እየገለጹ ያሉት።
ዶናልድ ትራምፕ ከዘለንስኪ ጋር በተለያዩ ጉዳዮች ዙሪያ በተለይም ከዚሁ ከጦርነቱ ጋር በተገናኘ እወያያለሁ በሚልም በትሩዝ ሶሻል ሚዲያቸው ላይ ይፋ አድርገዋል። በተቻለው ፍጥነትም ዘለንስኪን እና ፑቲንን ዓርብ የማገናኘት ሀሳቡም አላቸው ዶናልድ ትራምፕ።
የአውሮፓ ህብረት ኮሚሽን ፕሬዚዳንት ኡርሱላ ቮን ዲዬር ሊዬን እና የተለያዩ የምዕራቡ ዓለም መሪዎች ከዘለንስኪ ጋር ሆነው ትራምን ያማክራሉ ተብሎ ይጠበቃል።
አር ቲ እንዳስነበበው።
በ-ቢኒያም ካሴ












