የአሜሪካው ፕሬዝዳንት ዶናልድ ትራምፕ ተጨማሪ የ25 በመቶ ታሪፍ በህንድ ላይ ጣሉ።
ትራምፕ ኒው ዴልሂ ከሩሲያ የነዳጅ ዘይትን በመግዛት የሩሲያ ዩክሬን ጦርነት በገንዘብ ስትደግፍ ከርማለች በሚል በቅርቡ ታሪፍ መጨመራቸው ይታወሳል።
ዶናልድ ትራምፕ በቅርቡ ከህንድ የሚገቡ ምርቶች ላይ ወደ 25 በመቶ ከፍ ካደረጉ ኋላ ነው ዳግም የ25 በመቶ ታሪፍ መጨመራቸውን ያሳወቁት በዚህም ኒው ዴልሂ በጥቅሉ የ50 በመቶ ታሪፍ ጭማሪ አጋጥሟታል ።
አዲሱ ታሪፍ ከ21 ቀናት ኋላ ተግባራዊ ይደረጋልም ተብሏል። የህንድ የውጭ ጉዳይ ሚኒስትር በበኩላቸው ከሩሲያ ጋር ያለንን የንግድ ግንኙነት አብራርተናል የተደረገብን የታሪፍ ጭማሪ አላግባብ ነው ሲሉ የትራምፕን ውሳኔ ኮንነውታል።
ሩሲያ ከፍተኛ የጋዝና ነዳጅ ዘይት ላኪ ሀገር ስትሆን ህንድ, ቻይና እና ቱርክ ደግሞ ታማኝ ደንበኞቿ ስለመሆናቸው ይነገራል።
ይህንን ተከትሎ ነው ታዲያ የአሜሪካው ፕሬዝዳንት ዶናልድ ትራምፕ ኒው ዴልሂ እንደ ቻይና ሁሉ በሞስኮ ላይ ተጣብቃለች፤ ከሩሲያ ዩክሬን ጦርነት ጅማሮ አንስቶ ደግሞ በገፍ ነዳጅ በመሸመት ጦርነቱን በገንዘብ ደግፉለች ሲሉ የታሪፍ ጭማሪን ያስተላለፉት። በመጀመሪያው የታክስ ጭማሪ አንስቶ ህንድ ከሩሲያ ጋር ያላትን ወዳጅነት እንደምትቀጥል አስታውቃለች።
ዘገባው የቢቢሲ ነው።
በ-የአብስራ ሚሊዮን












